Juan 18:30 - NandevaBiblia

³⁰ Judiore heishu: Ko kuimbai ha'ẽã porãmba japo'iarã, veruambate nde verã.

Juan 18:30 Referans Kwoze

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Juan 19:12

Haipema Pilato heka marãrapo ma'ẽĩjyhe Jesús; tẽvã Judiore sapuke jyrerã hei: Rỹmã'ẽĩjyherã, nde haiveamapo huvishavasu Romape'õ ñi'ĩrũ! Ĩme'ẽ hei ijeheva haiva huvishavasu, ñymbyvaishomahe huvishavasu Romape'õ!

Lucas 24:7

heiva: Ko kuareta Tay me'ẽãñoĩ verã kuimbai heko porãmba'iare ipope hareka mbysavavaha kurusure tẽvã mbahapy arapepo kuerajykui.

Marcos 15:3

Hãma haipe pai ruvishare heta ñee porãmba vekua heihe reta Jesús.

Marcos 10:33

Jaha rãnga jai Jerusalen kyty, haipe kuareta Tay ñonoãpokui pai ruvisha, hareka Moisés mbypara vekua pyrỹmboi'iheare ipope, haire jururepokui jukaha verã, hareka meẽpojyshukui kuareta tenta yngaivi ouva retape.

Juan 18:29

Hãrã Pilato õhẽ katoape pyrãndushu reta: Mbaiva ñee porãmbara ĩme pyrehe kova kuimbai?

Juan 18:31

Haipe Pilato heishu reta: Pyraha hareka pijapohe Moisés mbypara vekua heiva rãĩmi. Haipe Judiore heishu: Tẽvã ore Judiore katũã mbavape jukahaka.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

1 Pedro 4:15

Ĩme'ẽ hasa'asyvarã, ha'eãpo puruka'irã rehe, manarõ maĩrã porãmba japo'ia maĩrã kuaakavimbape ichepareiva.