Juan 17:23 - NandevaBiblia

²³ She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 17:23 Referans Kwoze

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Juan 16:27

Sheru teiva rãnga pyndyraihu. Shara shyraihupirã hareka pyroja she aiva Tũpaivi.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

Juan 13:35

Pijyhaihurã, opaite kuaretare heshapo pyndyrehe, pee haiva she amboivare.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

Colosenses 3:14

Tynonde, piñimimonde jyhaihukuepe, mbai pyrỹmypente kavivape.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

1 Juan 4:19

Ñande rãnga jahaihu Tũpa, shara tynonde hai ñandyraihu.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 15:9

Sheru shyraihuva rãĩmi, apyryhaihu jyve, hãme pikopo jyve jyhaihu ĩme'arevape.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.