Juan 16:33 - NandevaBiblia

³³ Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 16:33 Referans Kwoze

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

1 Juan 5:4

Shara opaite Tũpa tayva, jepymahe porãmba ko yvy'ĩãrẽ. Jairoja rupii opa jajepyhe porãmba vekua.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.

1 Pedro 5:9

Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.

Juan 14:1

Avy pejepy'apy, pirojahe Tũpa hareka piroja jyve shyrehe.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Hebreos 11:25

Hai potamba hasa'asy hãndi Tũpa ryhevare, mbai porãmbape vyatẽ verã vekua sapy'aite.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

1 Tesalonicenses 3:7

Hãrã, shyryvyre opaite yrypya vyamba hareka mbai hasyva mbytepe, yrypya kavi õĩha kuaahama pee tãntapẽĩ pirojakueperã.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

2 Corintios 1:3

Tomomba'ea vasu Tũpa, Ñandeja Jesucristo Tuu, meẽva jyparekokue hareka ñanymbyvyava.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

1 Tesalonicenses 3:4

Shara ĩmehãteri'ẽ pynymbyteperã mbe'uhavaĩpe jahasa'asy verã. Hãma kyrã jehu, pikuaamava rãĩmi.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

2 Corintios 7:4

Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

Hechos 27:25

Hãme rãnga kuimbaire, pyrẽĩ katu! She aroja Tũpa japo verã opa mbai hai he'ikasheva rãĩmi.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Hechos 27:22

Tẽvã airurepe avypo pykyje, shara mbaveãpo pynymbytepe manokui, koñeĩpo varko oñehũndikui.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hebreos 7:2

Haivi Abraham meẽshu Melquisedec opañandepoivi pente opaite hai veru vekua ñyrãrõivi. Tynonde katu jaikuaa kavi Melquisedec he'ise “huvishavasu pirĩmbivache ryheva”, hareka “huvisha vasu Salempe'õ”, hokava hai, “pyavapy juhuvisha”.

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

Mateo 9:2

Haipe veruashu hupa ryheve pente kuimbai vatambava; Jesús heshama ko kuaretare jyrojaherã, heishu kuimbai hasyva: “Yrẽĩ shyray, mbai porãmba rijapo vekua hejareiima ndyhevi”.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

2 Corintios 4:7

Tẽvã rekoha kova mbai hepyva rãĩmi, pente mbai hyru tujuivi japoa vekuapy, ijyhesha verã mbaikatukue ojaimbava haiva Tũpa ña'ãpova, haimba ore yrã'ãpova.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

1 Juan 2:13

Ambyparape terure, shara pikuaama jypyiterãvãĩ ẽẽ vekua. Kunumire ambyparape kova, shara pijepymahe mbaiposhy.