Juan 16:2 - NandevaBiblia

² Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Juan 16:2 Referans Kwoze

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Apocalipsis 6:9

Avisha Ray peajy sello 5 hearã, ahesha altar'ipe jukahavare hykovekue Tũpa ĩñee rehe hareka mbeujyre hokava ñee rehe.

Juan 12:42

Tẽvã, heta Judio jyroja jyvehe Jesús, hareka huvishavare. Mbe'uã retarãmeĩ opavare hỹnonde, shara kyjeshi fariseore, potãã mohẽshu reta Judiore ñymbatyseaivirã.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

1 Corintios 4:13

Ijeta porãmba yryrehevare, pyakavi ryheve ijetahashu reta. Ã'ẽpeve ko yvy'ĩãrẽ yryrekoha yty hareka maĩnunga hemby vekua rãĩmi.

Hechos 7:56

Hãrã hei: Ahesha vate arapy jypearã hareka kuareta Tay rãĩmi ou vekua ñymboy'ẽ Tũpa jakata kytyrã.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Juan 9:34

Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.

Hechos 5:33

Haire kova hendumarã poshyitevejy reta, hãrã pota jukajyre reta.

Juan 4:21

Jesús heishu: Nde taupe, shyroja, vãhẽserima ara mbaveama ou verã ko yvyturusure õmombaivasu verã Tũpa, hareka oho verã Jerusalenpe.

Filipenses 3:6

Shapuiteherã, tũpaore amoña'are, hareka Moisés mbypara vekua rupii ajaporã, mba'ety mbava mbai heishe verã.

Juan 4:23

Tẽvã vãhẽma ara, ã'ẽvãĩpo ãñẽtẽite õmombai'iare Tũpa, õmombaishu verã Espiritupy hareka añetevape. Shara Tũpa kyrã pota õmomba'eashu.

Juan 16:25

Ñee ñymyhã'ãngape rãnga aijeta'ãĩpe ã'ẽpeve. Vãhẽpokui ara ãñimiñeeveamape verã ñee ñymyhã'angape, ambeu kavipopekui Sheru ryheva.

Juan 16:32

Vãhẽma ara, ã'ẽvãĩ opa pimomohẽ verã, hareka shẽĩpo shyrejapikui. Tẽvã, ha'ẽã sheiĩ ãĩva shara Sheru aĩ hãndi.