Juan 16:16 - NandevaBiblia

¹⁶ Vãhẽserima, shyreshaveamapi verãpe, tẽvã kutymijyapepo shyreshapijykui. Shara she ahajypo Sheru ẽvãpe.

Juan 16:16 Referans Kwoze

Juan 7:33

Haipe Jesús hei: Mbovy araĩmapo ãĩme'ãĩ pynymbytepe, haivi ahajypokui Tũpa shymbou vekua'õpe.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 16:22

Kyrãĩ jyvepe ã'ẽ pyvy'ãpẽĩ, tẽvã aijyma apyryresharã vy'akue pynytynyhẽpokui, pente vya mbavamba katu heky pyndyhevi verã.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 16:5

Tẽvã ã'ẽ ahajypo shymbou vekua ẽvãpe, hareka mba'ety pynymbytepe pyrãndusheva matyrapo aha.

Juan 13:33

Shyrayre, kỹvẽãmapo ãĩme'ãĩ pynymbytepe, shyrekapopikui, hãrã Judiore haishua rãĩmi ã'ẽ haijyvepe: Aha verãpe katuãpo peho.

Juan 12:35

Jesús heishu reta: Ĩmeteripo'ẽ pynymbytepe sape'ẽva, tẽvã kỹỹvẽãmapo. Pyvata pyrekoteri ko sape'õrã, mahẽ pyndysapyakui timimbiva; shara timimbivape ikovare kũãã mãĩpirapo oho.

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Juan 17:13

Ahamapo rẽĩvape, hãrã ambeu kova mbai ko yvy'ĩãrẽivi ndei ãhẽrã, haire vya verã jyve she rãĩmi.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 16:10

heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;