Juan 15:21 - NandevaBiblia

²¹ Opaite kova mbai japoñoĩpo pyndyrehe reta she rehe, shara kuãã reta shymbou vekua.

Juan 15:21 Referans Kwoze

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Juan 16:3

Haire kyrãpo japo, shara shykũãã reta hareka jyve Sheru.

Juan 8:19

Hãrã pyrãndushu reta: Maperã ĩme'ẽ nderu? Jesús heishu reta: Pee shykuããpi, hãrã pikuãã Sheru. Shykuapirã pikuatẽ verã jyve Sheru.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Mateo 10:18

Pyndyrahapo mburuvishare mbory'õre hỹnonde, hãrã pee pijetapo shyrehe, hareka opaite jyrojamba retape

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Hechos 9:16

She ambyheshakapo heta hasa'asy verã shyreepe jyrojarã.

Hechos 3:17

Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Lucas 21:17

Opaite yvy jerekueipi pyndyreshatããpo shimimboiperã rehe.

Juan 8:55

Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Hechos 4:17

Tẽvã, ã'ẽ japysypo reta poima mbeu verãre, ñamyngyjepo reta ỹnteñoma ijeta verãre Jesús heepe.

Hechos 9:14

Hãma ã'ẽ vãhẽ ou kope pai juhuvishare kyrã heishurã, raha mbyperesoka verã opaite ndyree heno'iare.

Hechos 26:9

Sheave rãnga heta añehãã amby'opa verã Jesús nazareno jyrojaheare.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

3 Juan 1:7

Shara haire õhẽ mbeu verã Jesucristo hee, hareka hekyãshi reta maĩnunga Tũpare jyrojambare.