Juan 15:19 - NandevaBiblia

¹⁹ Pee haijyve, kuareta yvy'ĩãrẽ'iare Tũpa jyrojambahea ryhevarã pyndyraihupo jyve, haire jyhaihuva rãĩmi. Tẽvã she apyrỹpyhyrõma yvy'ĩãrẽ'õ retaivi, hãme rãnga kuaretare pyndyreshatãã, shara pikoveama haire ikova rãĩmi.

Juan 15:19 Referans Kwoze

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

Lucas 6:32

Pee pyhaihupi pyndyraihu'ia pẽirã, mbaiva haikavivara pijapo? Heko porãmba ia retave rãnga kyrã japo jyve.

1 Pedro 4:3

Yteñoma arykai vekua rãĩmipi jyrojambare japovape, porãmba jaipykuavape, mbai potakuepe, ka'u hareka karuvasu ñymyngyapyvare, hareka javaite õmombai reta ta'angarei vekuare.

Apocalipsis 12:17

Hãma mboi vasu poshyitevejyshu taupe, hãrã japo ñyrãrõ vasu ñymoña hãndiare, japovare ñee japoa verã Tũpa ña'ãpova hareka jyrojaheva Jesús ĩñee.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.