Juan 15:18 - NandevaBiblia

¹⁸ Kuareta yvy'ĩãrẽ'iare pyndyreshatããrã, pynymanduapohe sherãni shyreshatãã retarã.

Juan 15:18 Referans Kwoze

1 Juan 3:13

Shyryvyre, avy hãĩrã pyheshava rãĩmipi kuaretare ko yvy ĩãrẽ'õre pyndyreshatããrã.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

Juan 3:20

Opaite mbai porãmba japo'iare, mymorãã kõĩvãpe'õ, hareka ñymbojããhe reta kõĩvã shara potãã heshaha mbai porãmba japo'irã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Juan 16:1

She hai pee kova mbai potãã poi piroja shyreherã.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.