Juan 15:16 - NandevaBiblia

¹⁶ Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:16 Referans Kwoze

Juan 15:19

Pee haijyve, kuareta yvy'ĩãrẽ'iare Tũpa jyrojambahea ryhevarã pyndyraihupo jyve, haire jyhaihuva rãĩmi. Tẽvã she apyrỹpyhyrõma yvy'ĩãrẽ'õ retaivi, hãme rãnga kuaretare pyndyreshatãã, shara pikoveama haire ikova rãĩmi.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Lucas 6:13

Hãmã kõĩ jyrã Jesús hẽno mboireare mbyteivi 12 hai mondo verã, hokavape mbyhee “apostol”.

Galatas 1:15

Tẽvã hai pya'oshyrerã shesy hyepevãĩmba shypyhỹrõ hareka pya kavi ojaimbape shyrẽno.

1 Juan 4:19

Ñande rãnga jahaihu Tũpa, shara tynonde hai ñandyraihu.

Hechos 22:14

Hai heishe: “Ñanytynondevare ñu Tũpa nypyhyrõ aryka'evaĩ rikuaa verã hai potava, hareka ryhesha verã hai heko kaviva, rỹhendu verã haiteiva juruivi ĩñee.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

1 Pedro 3:15

koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.

Hechos 1:24

Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,

1 Pedro 3:2

Heshama pyndyreko kavirã hareka pymbyveteshurã.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Mateo 21:22

Opava maĩnunga pee pirureshuva Tũpa, pirojakue rupii pipitypo.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.

1 Corintios 10:11

Hãma kova mbai jehushuare ñanytynondevare pyta ñande jahesha verã, hareka mbyparaha ñanymboi verã jaikova ko ara opaserimavape.

Romano 9:21

Tujure mba'apo'ia rãnga ẽẽshu tujuivi pota japova, japo verã, hareka hokava tujuivi katu japo timbipory pentevapẽĩ poryha verã, hareka yngavape katu japoshi opavape poryha verã.

Santiago 3:18

Hãrã õñehãã japova pyavapy ryheva, pyavapy ryheve ñoty, mynoo verã tykove hekope kavi'õ.

Hebreos 11:4

Jyrojakue rupii Abel meẽshu Tũpa mymba jukahava ryheva haikaviveshia Caín. Hãrã Tũpa ñonoshu Abel heko kaviva hareka Tũpa myvãhẽshu hai meẽva. Ajema Abel manoma, ijetateri jyrojakue rupii.

Tito 1:5

Hokava rehe aryreja Cretape, opa rỹmyhenda kavi hareka ryhekapyrã hareka rĩñono verã tũpaope miñaka'õ tentare ẽvãipi, she haindeva rãĩmi.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Hechos 10:41

Ha'ẽã opaitevape ijeshakajyva, koñeĩ ore Tũpa ỹrỹpỹhỹrõva, mbeu verã Jesús hykovejyva. Shara karuha hareka ñymby'uha hãndi kuerajymarã,

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Romano 1:13

Shyryvyre, aipota pikuaa jyve hetajy potatẽ aha Romape apyryresha verã, tẽvã mba'etyãjy shochava. Shykyrẽypo aha haityrã aheshakui hykove jyrojavape ñymbyhetava, ẽẽmava rãĩmi Judiomba retaipi.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Mateo 7:7

Pirure, hareka Tũpa meẽpo pee; pyhekava hareka hai heshakapo pee; pyhẽnoshu hõchepe, hãrã hai peapopekui.

Juan 15:5

She hai uva jypy, hãrã pee hai hãkare. Hãrã ẽẽ shyreheva hareka she ãiheva rãĩmi, hetapo ia; shara shyrehembape mba'ẽãpo pijapo.