Juan 14:27 - NandevaBiblia

²⁷ Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 14:27 Referans Kwoze

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

2 Timoteo 1:7

Shara Tũpa me'ẽã ñande pente espiritu jakyjejai verã, koñeĩ mbaikatu, jyhaihu hareka ijijokokuaa.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Romano 8:6

Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.

Galatas 1:3

Tũpa hareka Ñandeja Jesucristo tymeẽpe pya kavi hareka tiñohẽ pyndyrehe pyavapykue.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Juan 14:1

Avy pejepy'apy, pirojahe Tũpa hareka piroja jyve shyrehe.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

1 Corintios 1:3

Tũpa hareka Ñandeja Jesucristo tiñohẽ pyndyrehe mbai kavikue hareka pyavapy.

Juan 20:19

Hokava Domingo arape pỹnturã, Jesús mboireare ñymbaty reta. Haipe õche mboty reta shara kyje jyreshi Judio juhuvishare. Haivi Jesús ou haire mbyteperã, marãndushu retarã hei: Pyndypya kaviteño!

2 Tesalonicenses 1:2

Airureshu Tũpa Teru hareka Ñandeja Jesucristo tymeẽpe jyhaihukue hareka pyavapy.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Lucas 1:79

Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hechos 18:9

Pente pyhare Ñandeja ijetashu Pablo hesape'ouva rupive heishu: Ijeta katu jyvyĩño, avy ñimĩchirĩrĩ, avy kyje!

Mateo 10:26

Hãrã avy pykyjeshi kuaretare, mba'ety ñemiãpe'õ kuaahamba verã, hareka mba'ety ñemĩva heshahambaa verã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Hebreos 7:2

Haivi Abraham meẽshu Melquisedec opañandepoivi pente opaite hai veru vekua ñyrãrõivi. Tynonde katu jaikuaa kavi Melquisedec he'ise “huvishavasu pirĩmbivache ryheva”, hareka “huvisha vasu Salempe'õ”, hokava hai, “pyavapy juhuvisha”.

Juan 20:26

Hãrã 8 ara jyape, Jesús mboireare hykuãĩ ñymbaty py'aujy pente oope, haipe Tomas ñynõĩma jyve hãndi reta. Õche opate mbotya kaviva, Jesús ou haire mbytepe, marãndushurã hei: Pyndypya kaviteño!

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Galatas 6:16

Pyreko pya symyĩ hareka jyparekokue opaite ikova ko ñee heiva rãĩmi, opaite tenta Israel hãndi Tũpa ryhevare.

Lucas 10:5

Pyvãhẽma pente ooperã, tynõndepo pererãni: “Pyavapy tõĩ kova oope”.

Colosenses 1:2

ambyparape ko kuatia shyryvyre Colosape'õre, Tũpa ña'ãpova pyhỹrõvare heko kyamba. Tũpa tiñono pyrehe mbai kavikue hareka tymeẽpe pyavapy.

Lucas 12:4

Pee shi'ĩrũre ahaihuva hai pee: Avy pykyjeshi tyreteĩ jukava, shara hokava'ĩãrẽve katuã mbaivee japo pyndyrehe.