Juan 14:23 - NandevaBiblia

²³ Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 14:23 Referans Kwoze

Juan 14:21

Henduva hareka japova she haiva, hokava hai ãñete shyraihuva, shyraihuva Sheru haihupo jyveshu, hãrã she ahaihupo jyve, hãmã aheshakaposhu marãvara she.

Juan 14:15

Shyraihupirã, pynatupo she haipeva.

1 Juan 2:24

Hãme rãnga avy poi pijapo aryka'e pynymbo'eahe vekua. Pijapoñoĩ peho pynymbo'eahearã, pẽĩñoĩpo hãndikui Tyray hareka Teru.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

Juan 10:30

Teru hareka She, penteĩ'õĩhã.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Juan 14:17

Hokava Espiritu Santo haipo pynymboihekui mbai añeteva, hãrã Tũpa jyrojambaheare katuãpo mẽ'ẽãshuhai, shara haire heshãã hareka kuãã. Tẽvã pee pikuashu shara hai ikoma'i penendie, hareka ikopo pyndypyape.

Apocalipsis 21:22

Tenta hapype aheshãa tũpao, shara Teja, Tũpa ñymbaikatuva hareka Avisha Ray haitei tũpao.

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.

Juan 8:51

She añeteva hai pee; shiñee japova, manoveãmapo.

Juan 8:52

Haipe Judiore heishu: Ã'ẽ kuaa kavima nde mbaiposhy ĩmeryrerã! Abraham, hareka Tũpa ĩñee mbeu'iare opama mano, hãmera rere ore: “Shiñee japova, manoveamapo”.

Juan 14:24

Tẽvã shyraihumba, japoã she haiva. Hãrã pee pyhendupẽĩva ko ñee ha'ẽã shiñee, Sheru shymbou vekua ĩñee rãnga.

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 16:27

Sheru teiva rãnga pyndyraihu. Shara shyraihupirã hareka pyroja she aiva Tũpaivi.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

1 Juan 2:5

Tẽvã ĩme'ẽ japoshuva hai potavarã, añeteĩte pya mynỹhe Tũpa jyhaihukue; kyrãvape ñande jaikuaa ñañymypentema hãndiva.

1 Juan 5:3

Jahaihu Tũpa he'ise jajaposhu hai potava; hareka hai potava ha'ẽã javaii jajapova.

2 Juan 1:6

Kova hai jyhaihu, jajapo Tũpa potava hareka kova japoa verã hai; piko jyhaihupe, jypyiterãvaĩ pyhendu vekua rãĩmi.

Apocalipsis 21:3

Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.