Juan 14:16 - NandevaBiblia

¹⁶ Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Juan 14:16 Referans Kwoze

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 15:26

Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Filipenses 2:1

Hãma Cristo meẽpe mbaikatu pymykyrẽỹ verã yngava retape, jyhaihukue pyndyraha pypyrỹmbypya kavi verãrã, hareka Espiritupe ñimi'ĩrũ hãndivape hareka ĩmepyre pya kaviva hareka pyryparekovarã,

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Hechos 13:52

Tẽvã Jesús mboireare vy'ajyre hareka tynyhẽ Espiritu Santo.

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Juan 14:18

Apyryrejããpo tuumbare rãĩmi, aijypo aiko penendiekui.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Juan 14:14

She ajapoñoĩpo maĩnunga shyreepe pirureva.

Juan 17:20

Ha'ẽã kova retareĩ airurendeva, airure jyvehende mbairã jyroja shyrehe verãre, henduma haire mbeuvarã.

Juan 16:22

Kyrãĩ jyvepe ã'ẽ pyvy'ãpẽĩ, tẽvã aijyma apyryresharã vy'akue pynytynyhẽpokui, pente vya mbavamba katu heky pyndyhevi verã.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 1:4

Ikoteri jyre hãndi Apostol retarã, Jesús heishu reta, potambaa õhẽ verãre Jerusalenvi. Heishu reta: Pyhãrõ tikorãni Sheru ĩñee meẽ vekua, She ambeupeva rãĩmi.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

2 Juan 1:2

shara añeteva iko ñandypyape hareka opa arapo ẽẽ ñanendie.