Juan 14:13 - NandevaBiblia

¹³ Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 14:13 Referans Kwoze

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Marcos 11:24

Hãrã hai pee, opa mba'e pirureheva pimboimapeĩrã, pyroja ĩmemapyre verãrã, me'ẽãñoĩpope.

Mateo 21:22

Opava maĩnunga pee pirureshuva Tũpa, pirojakue rupii pipitypo.

Mateo 7:7

Pirure, hareka Tũpa meẽpo pee; pyhekava hareka hai heshakapo pee; pyhẽnoshu hõchepe, hãrã hai peapopekui.

1 Juan 5:14

Ore jyrojahahe Tũpa, shara jaikuaa hai potava rãĩmi jairureshurã, hai ñanyrẽndu.

Juan 16:23

Hoka arape mbaiveamapo pypyrãndushekui, añetevape hai pee Sheru, meẽñoĩpopekui shyreepe pirureshuva.

1 Juan 3:22

Hãrã me'ẽãpo ñandekui opa mbai jairureshuva, shara jajaposhu hai potava hareka jajapo hỹnonde hai mbyvyava.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 14:14

She ajapoñoĩpo maĩnunga shyreepe pirureva.

Santiago 5:16

Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

Filipenses 4:13

Opa mbai katu ajapo Cristo rupii, hai shymypỹrãtase'ia.

Santiago 1:5

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

Juan 16:26

Hoka arape pirureposhukui shyreepe; hãrã ha'eãpe airure pyndyrehe verã Sherupe,

Juan 10:30

Teru hareka She, penteĩ'õĩhã.

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

Juan 7:37

Arete vasu ara koñymava mbyharuaveva, Jesús ñymbou hỹnatu ijetarã hei: Ĩme'ẽ ju'uhevarã tou shyrẽndape, hou verã yy.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 12:44

Jesús hỹnatu ijetarã hei: Shyrehe jyrojava ha'ẽã shyrehẽĩ jyrojava, jyrojajyvehe Sheru shymbou vekua.

Lucas 11:9

Hãrã haijy pee: Pirure Tũpaperã, meẽpo pee; pyhekarã, pyvãĩposhu; pyhẽno hãrã õche pe'ahapo pee.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Hebreos 13:15

Hãrã japyraheñoĩposhu Tũpa, Jesucristo rupii. Kova mbyrahe hai mymba jukahava rãĩmiva ñameẽshu verã. Japyraheshu, ñandijuru rupii ñambeu hai hee!

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Efesios 3:14

Kovare, she aiñesu Ñandeja Jesucristo hỹnonde,

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

Juan 13:31

Judas ohomarã Jesús hei: Ã'ẽ, kuareta Tay heshakapo pyrãtãkue, hareka hai rupii Tũpa heshakapo pyrãtãkue ĩme'areva.

1 Corintios 14:13

Hãrã ñee kuaambavape ijeta'iare, tirureshu Tũpa tikuaakashu mbaivara he'ise hai hei'õ.