Juan 13:34 - NandevaBiblia

³⁴ Ahejape kova ñeẽ japoha verã py'ahuva: Pijyhaihupo. She apyryhaihuva rãĩmi, hãrã kyrãmipo pyhaihu jyve pepenteĩ yngavare.

Juan 13:34 Referans Kwoze

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Juan 15:17

Kova hai pijapo verã: Pijyhaihu.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

1 Juan 4:21

Jesucristo heja ñande ko ñeẽ japoa verã: “Tũpa haihuva, tyhaihu jyve tyvy”.

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

2 Juan 1:5

Ã'ẽ airure'asype shyryvyre ha'eã ñee py'ahuva japoa verã ambyparapeva, arykaivaĩ me'ẽha ñande vekua rãnga, opaiteva jaijyhaihupaveĩ verã.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

1 Juan 3:11

Kova ñee õñepyrõaivive pynymbo'eahe: Jajyhaihupo opaiteva.

Hebreos 13:1

Avy pypoi pijyhaihu shyryvyre.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

Colosenses 1:4

Henduha rãnga Cristo Jesús piroja jyveherã, hareka pyhaihu opaite heko kyambare,

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Romano 13:8

Avy jipiashu mbava. Koñeĩ jaipiahe verã hai jaijyhaihu opaiteva; shara hapisha haihuva, opa kavima japo ñee mbyparahavape heiva rãĩmi.

Romano 13:10

Jyhaihukue ĩmereva mba'ety porãmba japohe verã hapisha; hãrã jyhaihukuepe hekope kavi japoha ñee mbyparahava.