Juan 13:31 - NandevaBiblia

³¹ Judas ohomarã Jesús hei: Ã'ẽ, kuareta Tay heshakapo pyrãtãkue, hareka hai rupii Tũpa heshakapo pyrãtãkue ĩme'areva.

Juan 13:31 Referans Kwoze

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Juan 16:14

Haipo she mombaivasukui, shara pysypo ameẽshu verã hareka kuaakapope.

Juan 12:23

Jesús heishu reta: Vãhema ora kuareta Tay õmomba'eha verã.

Juan 11:4

Jesús hokava hendurã hei: Ko mbairasy ha'ẽã rãnga opa verã ñymãnope; Tũpa ñymbaikatukue heshaka verãĩ rãnga, ko Lazaro ñymbairasykue rupii Tũpa heshakapo hai Tay mbaivasuva.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 1:12

Kyrã japo shara pota ñande Judiore tynonde jairojahe Cristo, jaiko ñamombai vasu verã ñymbaikatukue.

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Lucas 12:50

Tẽvã ahasapo jyhasa'asy rupii, ñymyngaraiva rãĩmi; hareka ajepy'apytẽ hãrã aipotama hokava iko!

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.