Juan 12:26 - NandevaBiblia

²⁶ Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 12:26 Referans Kwoze

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

2 Corintios 5:8

Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

1 Juan 5:3

Jahaihu Tũpa he'ise jajaposhu hai potava; hareka hai potava ha'ẽã javaii jajapova.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Romano 14:18

Kyrã japova Cristo pevarã hai, pya ohohe Tũpa hareka kuaretare mymorãshu.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Lucas 6:46

Marã'irãra pereshe, “Sheja, Sheja”, hareka pijapoã she hai peeva?

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Juan 13:16

Ãñete hai pee, katuã jokueharea vateve'ẽshi jokuerea, hareka katuã mondohava vateve'ẽshi mondokava.

Lucas 9:23

Haivi hei opava retape: Ĩme'ẽ pota ou shimĩ'ĩrũvarã, tĩmbysare ijuhuvi, tuhupi jukurusu opa ara, hareka tou shaykue.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Apocalipsis 14:4

Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Juan 21:22

Jesús heishu: She aipotarã hai ĩmeĩteripo'ikui, aijypeve. Mbaivara nde hokava? Nde, ei shimi'ĩrũ.

Juan 14:15

Shyraihupirã, pynatupo she haipeva.

Marcos 8:34

Haipe Jesús hẽno mboireare hareka kuareta retarã hei: Ĩme'ẽ pota shaykue ouvarã, tiñymbysare ijuhuvi, tuhupi jukurusu, tou shaykue.

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Lucas 12:37

Vy'apo jokuehareireare oo ija oujymarã, hesha ocheã'ẽrã. Ãñeteĩte hai pee, oo ija mondepo jokueharea mondeva hãrã mbyvapypo mesape, hareka oupo ijokueka jyveshu.