Juan 11:55 - NandevaBiblia

⁵⁵ Vãhẽserima arete Pascua verãpe Judiore jy'arete, heta kuaretare oho Jerusalenpe ñymypõti'ẽ verã areterã.

Juan 11:55 Referans Kwoze

Juan 12:1

Hãrã 6 aravape ndeiteri vãhẽ arete Pascua verã, Jesús oho Betaniape Lazaro iko'iape hai mynguerajy vekua manovare mbyteivi.

Juan 6:4

Vãhẽserima Pascua verãpe, Judiore jy'arete.

Juan 2:13

Vãhẽserima Pascua Judiore jy'areterã, Jesús oho tenta Jerusalenpe.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Corintios 11:28

Hãme rãnga pepenteĩpo maĩhe marãra'ẽ pyape, haivipo hou pãhã hareka tumbusururu vino kopapy'õ.

Hechos 24:18

She rãnga ãñymypõtĩ'ãĩ tũpaoperã, Asiaivi ouvare shyresha reta, tẽvã mba'etynunga kuareta haipe hareka amambekoã mbavape.

Juan 18:28

Haivi pai juhuvishare raha Jesús Caifas hentaivi huvishavasu Romava hentape. Kõĩmapotarã Judiore icheã, shara icherã ñymyngyapo reta mbyparahava japoa verã heiva rãĩmi; haire kyrã japo retarã katuãpo hou reta jykaru Pascua ryheva.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 5:1

Kova mbai ikovaivi mbovy aramajyrã Jesús oho Jerusalenpe, Judiore jy'arete ñynoĩvape.

Juan 2:6

Haipe ẽẽ 6 kambushi yy hyru, Judiore ijoherã poryseva, haire ohohea japoseva rãĩmi. Pepenteĩ 100 litro rupi javeva.

Marcos 14:1

Mokue araima hemby'ẽ Pascua verã hareka pãhã harina mby'ouka jyhiamba arete he'iashuajy. Hãma pai ruvisha hareka Moisés mbypara vekua pyrỹmboi'iheare heka marãrapo mbytavy retarã pysyka Jesús hareka juka verãre;

Mateo 26:1

Jesús opa ijeta kova mbairerã, heishu mboireare:

Mateo 26:2

Pee rãnga pikuaa, mokue ara paskua arete verãpe. Hãrã kuareta Tay me'ẽãpo kurusure mbysavavaha verã.

Lucas 22:1

Vãhẽserima arete pãhã jihiambaa mbai mby'oukavaperã, “Pascua” he'iashua,

Hechos 21:24

Ekua ijohe hãndi retakui, mbyhepyhe retakui ñakã mysãka verãre. Kyrãrãpo kuakavi retakui ãñetembava he'ia ndyreherã, kyrãtevẽrã rijapo kavi jyve Moisés mbypara vekuape heiva.

Hechos 21:26

Hãrã Pablo raha urũndy kuimbaire hareka parejyrã ñymypõtĩ hãndi, haivi iche tũpaope mbeu verã mbaiperapo opakui ara ñymypõtĩva, jaishu mbaiperapo pepenteĩ haire meẽ ijehe Tũpape me'ẽãva.