Juan 11:52 - NandevaBiblia

⁵² Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 11:52 Referans Kwoze

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

Apocalipsis 5:9

Hãrã jyvache pyrahe reta pente mbyrahe py'ahuva heiva: “Ndeñõi rãngapo katu rypysy ko kuatia mbapu'ahava hareka ryhekyshi verã sellore, ndukahava rehe, hãrã nduruvype yry'ovajy Tũpa pevarã, opaite kuaretare ñymoñashia, opaite tiñeere, henta'õre hareka tentavasure.

Romano 3:29

Tũpa ha'ẽã Judio retaĩ ñu Tũpa, opaiteva ñu Tũpa rãnga, ajemaĩpo haimba judiovare.

Lucas 2:32

Sape mykõĩhe verã haimba Judiore, hareka nyrẽta Israel mihimbipe verã”.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Efesios 3:11

Kova rãnga hai Tũpa arykaivaĩ pota japorea hãrã my'ãñete Ñandeja Jesucristo rupii.

Efesios 1:5

arykaivaĩ ñandyraihuiterã ñanypyhỹrõ hareka ñandyreky jaiko verã ta'yrãveite Jesucristo rupii, shara kyrã japo Hai potava rãĩmi.

Romano 4:17

Mbyparahava hei: Arĩñono tentare hetava tuurã, hokava he'ise Abraham haiva ñanderu, Tũpa hỹnonde, kova haimba Tũpa Abraham rojava, Tũpa meẽshuva tykove mano vekuare, hareka japova maĩnunga ikombaterivare.

Hechos 18:10

Shara she ãĩme'ãĩ nendie, mba'ety poko ndyrehe verã maĩnunga porãmba japo ndyrehe verã, shara heta'ẽ kuaretare jyroja shyreheva ko tentape.

Juan 12:32

Tẽvã shumupu'ãhãjyma yvy'ĩãrẽivirã, opaiteapo arujy shijupekui jyroja shyrehe verã.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 1:12

Tẽvã opaite myvãhẽshuva hareka jyrojahevare; ikoshi reta Tũpa tayre.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.

Lucas 15:8

Ñañonojyshu, pente taupe ĩmerea 10 nikere, kañyshi penterã. Myhendyãra mbai sapeka, typei oo ipe hareka kapyry heka vãhẽjyshupeve?