Juan 10:6 - NandevaBiblia

⁶ Kyrã Jesús ijetashu reta ko ñee ñymyhã'ãnga rupii, tẽvã haire kuãã mbaivara heishu reta.

Juan 10:6 Referans Kwoze

Juan 16:25

Ñee ñymyhã'ãngape rãnga aijeta'ãĩpe ã'ẽpeve. Vãhẽpokui ara ãñimiñeeveamape verã ñee ñymyhã'angape, ambeu kavipopekui Sheru ryheva.

Mateo 13:51

Haipe Jesús pyrãndushu reta: Pikuaara mbaivara he'ise kova. Haire heishu: Kuaaha rãnga.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

Juan 8:43

Marã'ĩrãra pikuãã kova mbai ambeupeva? Shara potãã pyhendu shiñee.

Juan 8:27

Tẽvã haire kuããmba Jesús Tuu ijetaheshu retarã.

Juan 7:36

Mbaivara he'ise ko hei ñandeva: “Pee shyrekapopikui, tẽvã shyreshapopikui; shara katũãpo peho she aha verãpe”?

Juan 6:60

Hãrã Jesús mboireare hendu pyrỹmboihe kovarã hei reta: Kova ñee hai heiva rãnga javai jaikuaa verã. Mbavarapo kuaa nde kova?

Juan 6:52

Haipe Judiore ha'ire ijeta pohyjyre ijupiirã hei: “Marãrapo ko kuimbai ha'i hoo ho'uka ñande?”

Mateo 13:34

Opaite kova Jesús mbeu ñee ñymyhã'ãnga rupii opava retape. Hai mba'ẽã heishu reta poryãã ñee mỹhã'anga ryhevarã.

Marcos 4:34

Ñee ñymyhã'ãngambape Jesús ijetããshu reta; tẽvã mboireare hã'ẽĩ'õpẽĩ mbeu kavishu reta.

Juan 16:29

Hãma mboireare heishu: Ã'ẽ rãnga rijeta kavirẽĩ, ñee ñymyhã'ãngape, hãrã kuaa kavima.

2 Pedro 2:22

Hai rehe iko añeteva ñee heiva: Ñaumba houjy ñyvẽ'ẽkue, kushi opa mbijahuarã oho japajerejy tujupy.