Juan 10:4 - NandevaBiblia

⁴ Opama nohẽ katoape jy'avisha retarã, hỹnonderã ohoshu, hãrã avishare oho haykue shara kuaa reta ĩñee.

Juan 10:4 Referans Kwoze

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

1 Pedro 2:21

Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.

1 Pedro 5:3

Avy pingareko peĩhevare pikoshu ijarã rãĩmi, piñyhãã tyheshaa pyndyrehe mbaikavi pijapova.

1 Corintios 11:1

She aikova rãĩmi piko, aikova Cristo rãĩmi.

Juan 10:8

Opaite tynonde ou shyhevi vekuare, hai manarõ'ia hareka heko porãmba'iare; hãme rãnga avishare ñee henduãshu reta.

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 6:20

haipemba iche aryka'e Jesús japo ñande verã pente tape, kyrã ikoshi pai ruvisha vasu opa ara pevarã, Melquisedec heko rãĩmiva.

Efesios 5:1

Pee haiva Tũpa tayre hai haihuiva, piñyhããpo piko Hai ikova rãĩmi.

Juan 3:29

Omendava ikovape tyrekorã ĩmerea hai temerã; hareka temerã ñi'ĩru haipe'ẽ hendu ijeta'ẽherã mbyvy'aite. Kyrãĩ jyve she avy'aite ãĩ jyve.

Juan 13:15

She aheshakamape, ajapova rãĩmi pijapo verã jyve.

1 Pedro 4:1

Cristo rãnga hasa'asy ñandyrehe hetepe, hãrã kyrãĩpo peĩ kavi jyve pyhasa'asy verã; shara hetepe hasa'asy vekua, mby'opa mbai porãmba vekuare,

Juan 10:3

Hãma õche ñyngarekoheva peashu iche verã avishare ñyngareko'ihea, haivi hai hẽno pepenteĩ heepe, hãrã avishare kuaajyveshu reta ĩñee. Hãrã hai nohẽ koraivi.

Juan 10:5

Tẽvã kuambaare haykue ohoãpo, opaĩpo ñyvãhẽshi reta, shara kuããshi ĩñee.

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.