Juan 10:3 - NandevaBiblia

³ Hãma õche ñyngarekoheva peashu iche verã avishare ñyngareko'ihea, haivi hai hẽno pepenteĩ heepe, hãrã avishare kuaajyveshu reta ĩñee. Hãrã hai nohẽ koraivi.

Juan 10:3 Referans Kwoze

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

Juan 10:4

Opama nohẽ katoape jy'avisha retarã, hỹnonderã ohoshu, hãrã avishare oho haykue shara kuaa reta ĩñee.

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

Juan 10:14

She hai avishare ñyngareko'ihea pya kaviva; she aikuaa shy'avishare, hãrã haire shykuaa jyve.

Apocalipsis 3:20

She ãĩme nyrõchepe, hareka ãhẽno; shiñee rỹhendurã, rypeashe nyrõcherã aichepo nderope hareka rykarupo shendiekui.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Juan 6:45

Tũpa ĩñee mbeu'iare tynondeva mbypara vekuape kyrãmãĩ hei: “Tũpa opaitepo mboishu reta”. Hãrã opavare henduva hareka kuaa kavishia Sheru ĩñee, haipo shyryhevare.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Corintios 16:9

Shara õche jypea kavi'ẽshe amba'apo verã, ajemaĩ hetatẽ'ẽ shyreshatambare.

Juan 10:9

She hai õche; she rupii icheva, ohojepepo; iche hareka õhepo koraivi avishare rãĩmi, hareka vãhẽñoĩposhu hou verã.

1 Juan 4:6

Ñande rãnga hai Tũpa ryhevare, hãrã katupo jaikuaa mbavara ĩmere Espiritu añeteva hareka espiritu japuva. Tũpa ryhevare ñanyrẽndupo, tẽvã haimba Tũpa ryhevare ñanyrẽnduãã.

3 Juan 1:14

shara ãhãrõ'ãĩ aha aryresha verã, haivi jaijeta ijupii verã.