Juan 10:25 - NandevaBiblia

²⁵ Jesús heishu reta: Ãmbeuma rãngape, tẽvã shyrojãpi. Opa mbaikavi heshaha verã she ajapo Sheru ñymbaikatu rupii, hãrã hokava rupii shy kuaaha mbavara she.

Juan 10:25 Referans Kwoze

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Juan 14:11

Shyroja rãngapopi Sheru hãndi pentevãĩ orerã, hareka Sheru shypyape'ẽvã, kova pyrojãarã opava maĩnunga ajapo vekuaĩ pyroja.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Juan 20:30

Jesús japomba heta mbaikavi heshaha verã mboireare hỹnonde, ñonõãmba vekua ko kuatiape.

Juan 12:37

Jesús heta japo mbaikavi heshaha verã haire hỹnonde, kyrãtẽvã jyrojãhe reta.

Juan 11:47

Haipe fariseo hareka pai ruvishare ñymbaty hãndi Judiore juhuvisha retarã hei: Mbaivarapo jajapo? Ko kuimbai rãnga heta mbaikavi heshaha verã japo.

Juan 10:32

Tẽvã Jesús heishu reta: Heta mbaikavi ajapo pynynonde Sheru ñymbaikatu rupii. Marãvãĩte rehera pota itape shukapi?

Juan 8:24

Hãme rãnga haipeje pymanopo mbai porãmba pijapo vekuapy. Shara pyrojãã She haiñoĩvarã, pymanopokui mbai porãmba pijapo vekuapy.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 7:31

Heta kuaretare jyrojaherã, hei jyre: Cristo oumarã, mbaikavi heshaha verã hetaverapo japokui ko kuimbai japovaivi?

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Juan 8:56

Pynytynondeva Abraham, vy'a heshapo'ẽ shy'ararã. Hãma heshamarã hai vy'aite'i.

Juan 10:37

Ajapoã maĩnunga Sheru japovarã, avy shyrojapi.