Juan 10:24 - NandevaBiblia

²⁴ Haipe Judiore opajerehe, hãrã pyrãndushu reta: Mbaipeverapo kyrã yryre kuaa kavimba mbavara nde? Nde hai Cristorã mbeu kavi ore.

Juan 10:24 Referans Kwoze

Juan 1:19

Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 8:53

Ndera mbaivasuveshi yreru Abraham? Arykai Tũpa ĩñee mbeu'iare hareka Abraham opama mano reta. Mbavara roja nde haiva?

Juan 8:25

Haipe pyrãndushu reta: Mbavara nde? Jesús heishu reta: Tynonde rãnga ambeupeje.

Mateo 11:3

Ndera hai Cristo ou verã, maĩrã ĩmera'ẽjy yngava hãrõha verã?

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.

Juan 16:25

Ñee ñymyhã'ãngape rãnga aijeta'ãĩpe ã'ẽpeve. Vãhẽpokui ara ãñimiñeeveamape verã ñee ñymyhã'angape, ambeu kavipopekui Sheru ryheva.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Lucas 3:15

Hãma kuareta ñymbaty'õre, pya mbijeta jyre Juan reherã hei: Kova ha'ẽãra Cristo;

Marcos 8:32

Jesús mbeu kavishu reta kova, hãrã Pedro raha yngaity hã'ẽĩrã, poshy ryheve heishu ỹtẽñoma kyrã ijeta verã.

Juan 10:31

Haipe Judiore hykuaãĩ opa hekyjy reta ita japi verãre Jesús.

Juan 10:33

Haire heishu: Ndukahããpo itape mbaikavi rijapo vekua rehe, Tũpa porãã rijetaherã reheĩ rãnga. Kuimba'ẽĩ rãnga nde, tẽvã rijijapori Tũpa rãĩmi.