Juan 10:10 - NandevaBiblia

¹⁰ Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Juan 10:10 Referans Kwoze

Lucas 19:10

Shara Kuareta Tay ou heka hareka mondojepe verã kañy vekuare.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 12:47

Ĩme'ẽ shiñee hendutẽva japombavarã, sheeãpo ajahehe. Shara she aĩã ko yvy'ĩãrẽ ajahehe verã kuaretare, koñeĩ she ai amondojepeshu verãre.

Juan 6:33

Pãhã tykove meẽva rãnga hai Tũpa mbouva vate araivi kuaretare pevarã.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

Juan 10:1

Haivi Jesús hei: Ãñeteĩte hai pee, ichemba avishare jykora hõcheipi, yngaipi icheva, hoka hai manarõ'ia hareka heko porãmba.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Romano 2:21

Tẽvã, marãĩrapo rỹmboijy yngare, nderãnia tynonde rikuarã? Marãrapo rỹmboijyhe manarõmba verã, ndeteiva rỹmanarõrirã?

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Marcos 11:17

Haivi õñepyrõ mboishu kuareta retarã hei: Marãra hei Tũpa ĩñe'ẽ? “Sheru hoo, he'iaposhu oo jurureha'ẽ ipeva opaite tentare pevarã, tẽvã pijaposhi manarõ'iare ikua.

Juan 12:6

Tẽvã Judas ha'ẽã manduahe pavete'ia retarã, shara manarõserãmeĩ. Hai kyrypoti mbatyhava hyru ñyngareko'ihea, hareka ñomi'i mombohapyvarã.

Mateo 21:13

Hãrã heishu reta: Tũpa ĩñeepe rãnga hei: “Shero rãnga mbyheeapo, oo jurureha'ipe verã”, tẽvã pee pijaposhi manarõ'iare ikua.

Juan 5:40

tẽvã patẽy pei ãĩvape pyreko verã hokava tykove.

Juan 10:11

She hai avishare ñyngareko'ihea pya kaviva. Hãrã ko avishare ñyngareko'ihea pya kaviva, meẽpo hykove jy'avisha retare.

Mateo 18:11

She Kuareta tay rãĩmi aiva ko yvy'ĩãrẽ, ai ãnohẽ opavape mbai porãmbape jeky verã.