Juan 1:44 - NandevaBiblia

⁴⁴ Felipe hai Betsaidape'õ, Pedro hareka Andres iko'iape.

Juan 1:44 Referans Kwoze

Juan 12:21

Kovare ñymbojahe Felipe, hai jyve tenta Betsaidava, Galileape'õ, jurureshu reta: Karai, pota rãnga heshahave Jesús.

Mateo 11:21

Tengapopekui kuaretare pikova tenta Corazinpe! Tengapopekui kuaretare pikova tenta Betsaidape! Tiro hareka Sidonpe japoha mbaikavire heshaha verã pynymbytepe japoha vekuarã, kurimbatẽ oujy verã Tũpa jykoty, ñymbasype mondeava hũũvape ñimimonderã, hareka vapytẽ verã tanimbupy.

Lucas 10:13

Jesús heivejy: Tengapope kuaretare pikova tenta Corazinpe! Tengapope kuaretare pikova tenta Betsaidape! Tiro hareka Sidonpe japoha mbaikavire heshaha verã pynymbytepe japoha vekuarã, kurimbatẽ oujy verã Tũpa jykoty, ñymbasype mondeava hũũvape ñimimonderã, hareka vapytẽ verã tanimbupy.

Lucas 9:10

Apostolre opajymã ourã, mbeushu reta Jesús, opa mbai haire japova. Haivi Jesús rahashu reta hã'ẽi'õpe, õĩãmbaipi tenta Betsaida he'iashuape.

Marcos 8:22

Jesús hareka mboireare vãhẽ jyraha Betsaidape, haipe veruashu pente kuimbai heshamba kũvãĩpia, jurure jyreshu Jesús pokohe verã.

Marcos 6:45

Haivi Jesús heishu mboireare areã jupi verãre kanoape, oho verã yy hyvaisho kyty Betsaidape, tẽvã hai yy hymbeype ĩme mondojyrãni verã kuaretare.

Marcos 3:18

Andres, Felipe, Bartolome, Mateo, Tomas, hareka Jacobo Alfeo tay, Tadeo, Simón Canaanva,

Mateo 10:3

Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Lucas 6:14

Hokava hai: Simón, Jesús mbyhee Pedro, hãrã tyvy Andres, Jacobo, Juan, Felipe, Bartolome,

Juan 1:43

Pareemajyrã, Jesús hei ohojy verã Galilea kyty. Haipe hesha Felipe hãrã heishu: Ei shipive.

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Juan 1:46

Natanael hei: Katura Nazaretvi õhẽ mbai haikaviva? Felipe heishu: Ei mãĩhese.

Juan 1:48

Natanael pyrãndushu Jesús: Marãĩra shykuaa? Jesús heishu: Felipe ndei oho mbeunderãvãĩ rãnga aryreshaje, yvyra igo ipe ryvapyrirã.

Juan 6:5

Jesús hesha heta ohohipiva kuaretare, hãrã pyrãndushu Felipe: Maivirapo javashu kuaretare hou verã?

Juan 6:7

Felipe heishu Jesús: 200 ara hepykuemba jave'ẽ ñande verã rãnga pãhã pysesẽmi hou verãre.

Juan 12:22

Felipe oho mbeushu Andres, hãrã mokuevea jyraha mbeushu Jesús.