Juan 1:12 - NandevaBiblia

¹² Tẽvã opaite myvãhẽshuva hareka jyrojahevare; ikoshi reta Tũpa tayre.

Juan 1:12 Referans Kwoze

Galatas 3:26

shara pirojaivivehe Jesucristo, iko pyndyhevi Tũpa tay.

Romano 8:14

Opaite ikova Espiritu Tũpa ryheva potava rãĩmirã, hai hokava Tũpa tayre.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Colosenses 2:6

Hãrã pee pymyvãhẽshuva rãĩmi Jesucristo Pyndejarã, kyrãĩpo piko jyve Hai potava rãĩmi;

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

Mateo 12:21

Opa tenta vasure jyrojapohe reta.

1 Juan 3:23

Hãrã hai potava hai kova: Jaroja verã Tay Jesucristo hee hareka jaijyhaihupo opaiteva hai jurure ñandeva rãĩmi.

Hechos 3:16

Ko kuimbai pyhesha hareka pikuava pyrãtajy shara jyrojahe Jesús hee. Ko jyroja ñonova Jesure myngueraiteshu pee pyheshava rãĩmi.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 1:7

Hãrã hokava ou kuaa kaviveva, mbeushu verã kuaretare kova mbai sapeva ryheva, pota opavare jyrojaherã.

Mateo 18:5

Ĩme'ẽ kuareta shyreepe myvãheva ko sanjay rãĩmi, shee shymyvãhe.

Juan 2:23

Jesús ĩme'ẽ Jerusalenpe Pascua areteperã, heta'ẽ jyrojaheare shara hesha reta mbaikavi heshaha verã hai japova.

Juan 1:11

Hentapetei ou, tẽvã henta ĩrũre myvãhẽãshu.

Romano 8:16

Hãrã Espiritu kuaaka ñande ñandypyape ñande haimava Tũpa tayre.

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.