Hechos 8:7 - NandevaBiblia

⁷ Shara heta kuareta espiritu porãmba ĩmere vekua opamba mohẽhãshi hareka hokava porãmba õhẽmashirã sapukemba; hareka vatamba vekua, japa vekuare opa kuera.

Hechos 8:7 Referans Kwoze

Mateo 10:1

Jesús hẽno 12 mboireare, meẽshu mbaikatu, mohẽ verã mbaiposhyre, hareka mynguera verãre mbairasy marãrãngatu vekua.

Hechos 5:16

Hareka tenta mbymbyrymba õĩva ou jyve kuareta hetava Jerusalenpe veruva ñymbairasyva hareka mbaiposhy imereva, hãrã opaiteva kuera.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Lucas 10:17

Hãma 70 kuaretare mondoava vy'ape vãhẽjy jyverurã hei reta: Yreja, mbaiposhy retaave rãnga, ndyreepe he'iashua japo.

Marcos 9:26

Haipe mbaiposhy sapuke, hỹnatu opa mbyryry kunumirã õhẽshi; juka ñonorã manova rãĩmi'ẽ, hãrã heta'ẽ heiva manomava.

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Hechos 8:6

Kuaretare ñymbatymba ñynoĩ hareka jasaka kavihe reta Felipe hei'õ rãĩmi hareka jyve mbai heshaha verã hai japova.