Hechos 7:60 - NandevaBiblia

⁶⁰ Haivi ĩñesurã hỹnatu sapuke: Sheja, avy ityhe reta mbai porãmbava. Hãrã kova opama heirã, mano.

Hechos 7:60 Referans Kwoze

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

1 Corintios 15:20

Tẽvã Cristo kuerajy! Kova rãnga ñanymboihe opaite manovare kuerajy handi verã jyve.

Hechos 20:36

Opama hei kovarã, Pablo ĩñesu jurure hãndi reta.

Hechos 9:40

Pedro heishu kuaretare opa õhẽ verãre katoape. Haivi ĩñesu hareka ñymboi. Haivi mãi mano vekuarerã hei: Tabita, pũ'ã! Hai sarekorã hareka heshamã Pedrorã, vapy.

Lucas 6:28

Pehovasa porãmba ijeta pyndyreheva, pehovasashu ñee porãmba hei i pyndyreheva.

1 Corintios 15:18

Kyrãrã Cristo jyrojaheva mano vekuare, jyvarehama jyvehe.

Hechos 21:5

Tẽvã opama hasa hoka 7 ararã, õhẽha. Opaite Jesure jyrojavare jyraha hyrekore hãndi hareka ñysanjayre hãndi, ĩrĩmi'ĩrũ reta tenta õhẽãshipeve hareka yy hymbeype ĩñesuharã ñymbo'eha.

Hechos 13:36

Ãñeteara David opa kavi japo hẽta ĩrũre mbytepe, Tũpa potavarã, mano hãrã ñotyha tuu tynõndeshivekuare hãndi haivi hetekue opa ñymbai.

Lucas 22:41

Mbyry katu ohoshi reta pente ita vasu momboava rãĩmi. Hãrã haipe ĩñesu hareka ñymboirã,

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

1 Corintios 15:6

Haivi 500 rupi ijeshakajyshu kuareta jyrojaheare, hokava retaivi hetateri'ẽ ndei manovare, tẽvã ĩrũre opama mano.

Mateo 27:52

Haivi tã'õvere ẽvãpe opa jypea hareka heta heko kyambare mano vekuare, opa kuerajy.

1 Corintios 11:30

Hokava ñimbivache rehe heta'ẽ pynymbytepe ñymbairasyva hareka pyrãtaveamava, hareka a'ãmore mano.

1 Corintios 15:51

Tẽvã aipota pikuaa kova Tũpa ñemiãpereva: Opaitevããpo ñamano, tẽvã opaitevapo ñandyrete ñymy yngaikui.

Juan 11:11

Haivi Jesús heishu reta: Ñani'ĩrũ Lazaro rãnga ochema, tẽvã ahapo ãmomba.

2 Timoteo 4:16

Tynondeite aijeta shijehe huvishare hỹnonderã, mba'ety shichere ẽvã; opaite shyreja reta. Airureshu Tũpa potambaa jahehe verã hokava rehe.

2 Pedro 3:4

Hareka pyrãndupo: “Mbaivara ikoshi ñee me'ẽãva Cristo oujy verã ryheva? Yreru reta rãnga opama mano, hareka kova yvy ĩmeĩ'ẽ arykai jypyite japohava rãĩmi”.