Hechos 7:52 - NandevaBiblia

⁵² Mbava Tũpa ĩñee mbeu'ia retara reko asyãshu arykai pynytynondeva reta? Haire opa juka, arykaivaĩ ijeta jyrehe heko kaviva ou verãre hareka ã'ẽ oumarã, pee pymbytavyshu hareka pijukashu.

Hechos 7:52 Referans Kwoze

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

1 Tesalonicenses 2:15

Hokava Judio reta rãnga juka Ñandeja Jesús, hareka Tũpa ĩñee mbeu'iare arykaivare, hareka opa ỹrỹmohẽ reta. Japoã reta Tũpa potava, hareka opava kuimbaire ñymbyvaisho jyrehe,

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

Hechos 22:14

Hai heishe: “Ñanytynondevare ñu Tũpa nypyhyrõ aryka'evaĩ rikuaa verã hai potava, hareka ryhesha verã hai heko kaviva, rỹhendu verã haiteiva juruivi ĩñee.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

Hechos 4:10

Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.

Hechos 3:24

Shara Tũpa ĩñee mbeu'ia Samuelvive õñepyrõ ijetahahe kova ara.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Lucas 6:23

Pyvy'apo, hãrã pynytynyhẽpo vy akueivi hokava arape, shara hetavepo mẽ'ẽhãjy pee vate arapy; kyrãi japo jyvehe reta arykaiva Tũpa ĩñee mbeu'iare.

Juan 16:10

heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;

2 Timoteo 3:4

Mbytavypo hapishare, pya mbijetamba ryheve mbai japo, jyroja ijehe, Tũpa heiva japotẽ verã, ha'eire potavaĩ japove reta.