Hechos 6:14 - NandevaBiblia

¹⁴ Ore henduha heirã Jesús Nazareno opa mambai verã ko tũpao hareka yngava ñonojy verã jaikova rãĩmi Moisés heja ñande vekua.

Hechos 6:14 Referans Kwoze

Hechos 21:21

He'ihambashu reta nde rỹmboirẽĩva opaite haimba Judiore, syryshi verãre Moisés pyrỹmboihe vekua hareka rereshu reta potambaa tayre ñymbai pire chinchihashia harekajy potamba ikova jypykuahava rãĩmi.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Galatas 3:23

Ko jyroja ndeiteri ourã, Moisés mbypara vekua ñaniñapiti'i, ñahãrõ kova jyroja, kuaaka peve.

Galatas 3:19

Hãma, mbai verãra haikavi Moisés mbypara vekua? Moisés mbypara vekua rãnga me'ẽhashu kuaretare heshaka verã porãmba japorã, ou peve tyray mbe'ua vekua ou verã. Kova japoa verã mbeu Tũpa jokuevare, Moisés rupii.

Hechos 28:17

Romape vãhẽha ohoharã mbahapy araheape, Pablo hẽnoka Judiore juhuvisha hareka ñymbatyma hãndi retarã heishu: Shyryvyre ajemaĩ ajapoã porãmbava ñanyrẽtare hareka ñanytynondevare jypykuava rãĩmi, tẽvã Jerusalenvare shiñono Romavare ipope.

Juan 4:21

Jesús heishu: Nde taupe, shyroja, vãhẽserima ara mbaveama ou verã ko yvyturusure õmombaivasu verã Tũpa, hareka oho verã Jerusalenpe.

Lucas 21:6

“Kova mbai pymãĩ pẽĩheva hai pee, vãhẽpokui ara opa ñymbai verãpe, pente ita jyvohy'õmba ñymbou'ẽ verã”.

Hechos 26:3

shara tynondeite, nde rikuaa kavi Judiore jypykuava rãĩmi, hareka hokava mbai ijaka hevare, hãma airure nde ñyhãrõ kavipe shyrẽndu verã.

Hechos 25:8

Haipe Pablo ijocha verã hei: She ajapoãhe porãmba Moisés mbypara vekuare, tũpaore maĩrã Cesar rehe.

Lucas 21:24

Ĩme'ẽ mano verã kyse pukuva hãĩmbepe, hãrã ĩrũre rahahapo pokuahavape yngavare tentaipi, hareka kuareta jyrojambare opapo mambai Jerusalén, vãhẽpeve Tũpa heishuvape hareka mby'opa verãre.

Marcos 14:58

Ore henduha heirã: “Opapo ãmambaikui ko tũpao kuimbaire japo vekua, tẽvã mbahapy arape amupũãpojy yngava, haimba kuimbaire japova”.

Mateo 26:61

Kova kuimbai hei vekua, “Mbahapy arape opapo aity Tũpa hoo hãrã mbahapy arape amupũãpojy”.

Juan 2:19

Jesús heishu reta: Opa pymambai ko tũpao, mbahapy arapepo ãmupũãjykui.