Hechos 5:31 - NandevaBiblia

³¹ Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Hechos 5:31 Referans Kwoze

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

Hebreos 2:10

Opa mbai ẽẽ Hai pevarã shara Hai japo hareka ñyngarekohe, Hai pota opaiteva haihushuvare hareka Hai heiva japoshuare, reko verã jyve hĩmbipekue. Hãme rãnga Tũpa, jyhasa'asy rupii mbyheko kavi Jesucristo haire Mondojepeva.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Judas 1:25

Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.

Colosenses 1:14

hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.

Filipenses 3:20

Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

2 Corintios 2:10

Pyhejareiishuvape, ahejareii jyveshi. Shara ahejareii jyve, ĩme'ẽ kyrã ahejareii verãrã, ajapo pyndyrehe Cristo hỹnonde.

Hechos 13:23

Hãrã Jesús hai David ñymoñashia, hareka Tũpa mbou mondojepe verã Israelvare, Tũpa ĩñee meẽ vekua rãĩmi.

Hechos 4:11

Jesús hai ita mbijicheha vekua opaite oo japo'iare, tẽvã haivi ikoshi ita mbijypyhapyva.

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Marcos 4:12

maĩtẽ jyreare tẽvã heshãã, hendutẽvare kuãã, potãã Tũpa kyty oujy retarã hai hejareiishi verã mbai porãmba japo vekuare.

Marcos 2:10

Pikuaa verã, kuareta Tay ĩmere mbaikatu yvy'ĩãrẽ hejareii verã mbai porãmba vekua. Hãma heishu vatamba vekua:

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Tito 2:10

Avypo manarõ, heshakapo jyrojahahea, opavare hykovere heshahe verã haikaviva pyrỹmbo'ehaheva Tũpa Ñanymondojepe'ia ryheva.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.