Hechos 4:27 - NandevaBiblia

²⁷ Ãñete rãnga Herode hareka Poncio Pilato ñymbaty reta kova tentape, yngaivi ouvare hareka Israelitare hãndi hãrã puãhe reta Jesús, nimbijokue heko kyamba, nde rypyhyrõ vekua,

Hechos 4:27 Referans Kwoze

Mateo 27:2

Haivi ipo pokuaha ryheve rahashu retarã meẽ reta Poncio Pilatope, huvishavasu mbory'õre ipope.

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Lucas 9:22

Hãrã heishu reta: “Kuareta Tay hetapo hasa'asykui”, mbijicheposhu karai kuakuavare, pai ruvishare hareka Moisés mbypara vekua pyrỹmboi'iheare. Hãma jukapo retakui, tẽvã mbahapy arapepo kuerajykui.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 2:27

hejãã'ãĩpojy heko kaviva hetekue ñymbai verã.

Juan 19:34

Hãrã penteva syndaro kutu yvyra puku hakuavapy Jesús jichepe, hãrã haipevaĩ õhẽshi tuvy hareka yy.

Juan 18:28

Haivi pai juhuvishare raha Jesús Caifas hentaivi huvishavasu Romava hentape. Kõĩmapotarã Judiore icheã, shara icherã ñymyngyapo reta mbyparahava japoa verã heiva rãĩmi; haire kyrã japo retarã katuãpo hou reta jykaru Pascua ryheva.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 1:11

Hentapetei ou, tẽvã henta ĩrũre myvãhẽãshu.

Lucas 22:63

Hãrã kuimbaire Jesús ñyngareko'ẽheare, ñymbyhory jyrehe hareka nũpa jyre;

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Marcos 15:31

Kyrã ñymbyhory jyvehe reta, pai juhuvishare hareka Moisés mbypara vekua pyrỹmboi'iheare. Hei jyre ijupe: Hetavape mondoje, tẽvã ha'ĩ katuã ñymondojepe.

Marcos 10:33

Jaha rãnga jai Jerusalen kyty, haipe kuareta Tay ñonoãpokui pai ruvisha, hareka Moisés mbypara vekua pyrỹmboi'iheare ipope, haire jururepokui jukaha verã, hareka meẽpojyshukui kuareta tenta yngaivi ouva retape.

Mateo 23:37

Jerusalen, Jerusalen, rijukava Tũpa ĩñee mbeu'iare hareka pijapiva ikuimbai Tũpa mbouvape! Mbovy jyramba potatẽ ambatyva ndyrayre, uru membyre mbatyva rãĩmi hypepo ipe, tẽvã ripotã!

Mateo 21:28

Jesús pyrãndushu reta: Mãrãra perereshu kova. Pente Kuimbai ĩmere mõkue tayre. Tynondevape hei: “Shyray, ekua mba'apo shu'uva rẽndape”.

Mateo 14:1

Hokava arape Herode, mburuvisharã ẽẽshu 4 tenta'õre, kuaretare heiva hendu jyve mbaivara Jesús japo.

Mateo 14:3

Herode rãnga pysykashu Juan hãrã mbyperesoka shara Herode omendahe Herodia, tyvy Felipe hyrekorãrerã.

Mateo 14:6

Herode ñy'ãño mbotyrã mby'aretemba, hãrã Herodia memby kuña vãhe jyroky verã Herode hareka opaite haipe'õre hỹnonde. Hãma Herode pya ohoitehe ko kuñatãĩ jyrokyva rãĩmi,

Lucas 23:1

Haivi opama pũã ñymbaty'õ retarã hareka raha reta Jesús Pilato hỹnonde.

Juan 18:29

Hãrã Pilato õhẽ katoape pyrãndushu reta: Mbaiva ñee porãmbara ĩme pyrehe kova kuimbai?