Hechos 4:13 - NandevaBiblia

¹³ Mburuvishare heshama mãrãra Pedro hareka Juan ijeta pyavasu ryheve, hãrã kuaa mondo reta ha'ẽã ñy'ãrãnduvarã hareka mbaimba kuaavarã, mbyrymaĩ reta; kuakavi reta Jesús iko'i hãndia retarã.

Hechos 4:13 Referans Kwoze

1 Corintios 1:27

Tẽvã Tũpa pyhỹrõ kuaretare heishua rãĩmi mbaimba kuaa vekuamire, mymarãka verã heta mbai kuaavare, hareka pyhỹrõ pyrãtamba vekuamire, mymarãka verã pyrãtavare.

Juan 7:15

Haipe Judiore mbyrymaĩ retarã hei: Marãira hetaite mbai kuaa, ñymboimba vekua?

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 26:73

Hãrã haipe'õre ou Pedro hyvacherã heishu: Añetẽĩte, nde hai jyve hai ryhevare, jykuaa ndyrehe niñee ryheve.

Juan 7:49

Tẽvã kova kuaretare Moisés mbypara vekua kuambava retaĩ rãnga jyrojahe, hãrã Tũpa jahepohekui.

Lucas 22:8

Hãrã Jesús mondo Pedro hareka Juan, heishureta: Pekua, opa pymyhẽvã ñande Pascuape jau verã.

Mateo 26:71

Haivi Pedro ohojy õche kytyrã, taupe jokueharea ĩrũ hesharã heishu haipe'õre; ko kuimbai rãnga iko'i jyve hãndi Jesús Nasareno.

Juan 19:26

Jesús heshama ishy, hareka mboirea hai haihuvarã, heishu: Taupe, koo'ẽ nymemby.

Hechos 4:14

Hesha reta kuimbai kuera vekua ñymbou ñynoĩ hãndi retarã, hãrã katuã heijyhe reta mbai porãmba japova.

Hechos 4:19

Tẽvã Pedro hareka Juan heishu reta: Pypya pimbijetano haikavirapo ore japoharã pee pereva maĩrã Tũpa heiva?

Hechos 4:29

Ã'ẽ, Sheja, maĩhe haire ĩñee hei pota urũnupavare hareka meẽshu rijokuevare pyavasu, kyjehambape mbeu verãre niñee,

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Hechos 9:27

Tẽvã Bernabé pysyrã hareka raha apostolre õpe. Haipe mbeushu reta mãrãra Saulo hesha Ñanderu Jesús pehupi Damascope hareka mãrãra ijetashu. Mbeujyve mãrãra Saulo Damascope kyjembape mbeu Ñandeja Jesús heepe.

Hechos 9:28

Kyrã Saulo pyta Jerusalenpe; Jesús ryhevare hãndi õhẽ hareka kyjeã ijetahe Ñandeja Jesús heepe.

1 Corintios 14:25

kyrã heshakavipo pyaperevare, hãrã ĩñesupo õmombai Tũpa hareka kuaapo ãñete Tũpa ẽvã pynymbytepe.

2 Corintios 3:12

Rekoha hãrõhã'õvãrã, jyrojakue ryheve kyrã ijetaha.