Hechos 3:17 - NandevaBiblia

¹⁷ Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Hechos 3:17 Referans Kwoze

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Hechos 13:27

Jerusalenva hareka juhuvishare kuããshu Jesús, hareka kuãajy Tũpa ĩñee mbeu'iare ĩñe'ẽkue mbijetava Judiore ñymbatyseape putu'uhava arape. Hãrã hai retatei ñonovaimashu Jesús, japohe reta ñĩmĩñee'iare jykuatiape ẽvekuarã.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

Juan 16:3

Haire kyrãpo japo, shara shykũãã reta hareka jyve Sheru.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

Romano 11:2

Tũpa hejareiã henta ĩrũ Israel hai arykaivaĩ pyhỹrõ vekua. Pikuããra jyve kuatia mbyparahavape heiva rãĩmi Elías rehe? Marãramba hei arykai pya jyrova Tũpa hỹnonderã Israelva retare? Tũpape ñymboirã? Heirã vekua:

Hechos 26:9

Sheave rãnga heta añehãã amby'opa verã Jesús nazareno jyrojaheare.

Hechos 7:40

Hãrã heimbashu reta Aarón: “Ore rãnga pota rijapo pente Tũpa ỹrynonde oho verã; shara kuaahãã mãrãra'i Moisés hãrã opa yrynohẽ yvy Egiptoivi”.

Juan 7:52

Haipe heishu reta Nicodemo: Galileape'õra jyve nde? Mãĩ kavipy kuatia Mbyparahava. Hãrã rikuaapo penteã Tũpa ĩñee mbeu'ia ou Galileaivi.

Filipenses 1:22

Tẽvã, aikoteri ko shyreteperã, katupo amba'apo kaviteri amaĩ kavihe verã heta yngavare, aikuãã marãvara apyhỹrõpo.

Lucas 23:13

Haivi Pilato mbatyka pai ruvisha hãndi huvishare, hareka kuaretare henta'õre,

Juan 15:21

Opaite kova mbai japoñoĩpo pyndyrehe reta she rehe, shara kuãã reta shymbou vekua.

Hechos 22:5

Pai juhuvisha vasu hareka kuakuavare kuakavi ñynoĩ haire meẽshe kuatia mbyparahava ñandyryvyre Judiore verua mbyperesoa verã Damascoivi. Aha aheka Jesure jyrojavare, aru verã ko Jerusalenpe nũpaha verã.

Hechos 28:21

Hãrã heishu reta: Vãhẽã ore Judeaivi kuatia hei ndyreheva hareka mba'etyjy ñandyryvyre Judeaivi ouva ijetavai ndyreheva.

Efesios 4:18

hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.