Hechos 3:16 - NandevaBiblia

¹⁶ Ko kuimbai pyhesha hareka pikuava pyrãtajy shara jyrojahe Jesús hee. Ko jyroja ñonova Jesure myngueraiteshu pee pyheshava rãĩmi.

Hechos 3:16 Referans Kwoze

Hechos 14:9

hokava jasaka'ẽhe Pablo hei ẽvãre: Hãrã Pablo maĩherã hesha jyroja katu'ẽ hareka kuera verã.

Hechos 4:10

Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.

Hechos 3:6

Pedro heishu: Ita vera ijuva hareka ita vera tĩĩva mba'ety are, tẽvã ĩme'areva ameẽponde; Jesucristo Nazaretva heepe pũ'ã hareka vata.

Hechos 16:18

Hãrã heta ara kova japo'i. Pablo henduseveãma heivarã, jerepyrã heishu mbaiposhy taupe iko'ipya: She hai nde Jesucristo heepe, ẽhẽshi ko kuñataĩ! Hãrã haipevaĩ mbai porãmbava õhẽshi ko kuñataĩ.

Mateo 9:22

Jesús jerepy, hesha tauperã heishu: “Ỹrẽĩ shyrajy, shara rirojarãmeĩ rykuera”. Haipevãĩ ko taupe kuera.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Hechos 4:7

Haivi veruka reta Pedro hareka Juan, hãrã haire mbytepe ñonorã, pyrãndushu reta: Mbava ñymbaikatupera maĩrã mbava heepera pijapo kova mbai?

Hechos 3:8

Ko kuimbai vatamba vekua oporã õñepyrõ vata. Haivi iche hãndi reta tũpaope, opo'i vate õmombaishu Tũpa

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Juan 7:23

Tẽvã, hekope kavi pijapo verã Moisés mbypara vekua, sanjay kuimbaimire putu'uava jy'arapeave pire pichĩchĩshi, marã'ĩrãra pyposhypishe amynguera putu'uava jy'arape pente ñymbairasyvarãme?

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Mateo 14:29

Jesús heishu: Ei. Haipe Pedro vejy kanoaivirã õñepyrõ vata yy ĩãrẽ, oho verã Jesús jykoty.