Hechos 3:14 - NandevaBiblia

¹⁴ Tẽvã pee piñomi heko Kyambava hareka hekope kavi'ia, haivi hendakuepe pirure poiashi verã Barrabas, puruka'ia.

Hechos 3:14 Referans Kwoze

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Hechos 7:52

Mbava Tũpa ĩñee mbeu'ia retara reko asyãshu arykai pynytynondeva reta? Haire opa juka, arykaivaĩ ijeta jyrehe heko kaviva ou verãre hareka ã'ẽ oumarã, pee pymbytavyshu hareka pijukashu.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Hechos 4:27

Ãñete rãnga Herode hareka Poncio Pilato ñymbaty reta kova tentape, yngaivi ouvare hareka Israelitare hãndi hãrã puãhe reta Jesús, nimbijokue heko kyamba, nde rypyhyrõ vekua,

Santiago 5:6

Pee rãnga pijahehe hareka pijukareii kuareta heko kavivare, katumba haire ñykatẽỹva.

Hechos 22:14

Hai heishe: “Ñanytynondevare ñu Tũpa nypyhyrõ aryka'evaĩ rikuaa verã hai potava, hareka ryhesha verã hai heko kaviva, rỹhendu verã haiteiva juruivi ĩñee.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Hechos 2:27

hejãã'ãĩpojy heko kaviva hetekue ñymbai verã.

Lucas 23:25

hãrã poishi haire pyhỹrõvare, mbai porãmba japo'i tenta Romareva hareka purukarã mbyperesoa vekua, shara haire kyrã jurure; haivi meẽshu reta Jesús japohe verãre haire potava rãĩmi.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Marcos 15:11

Hãma pai juhuvishare hei jyvỹĩshu kuaretare jurureshu verã Pilato, Barrabas poishi verã.

Marcos 15:7

Haipe pente kuimbai Barrabas he'iashua mbyperesoha ñonoava ĩrũre hãndi, syndarore ñyrãrõ hãndirã purukavare.

Mateo 27:20

Tẽvã pai ruvishare hareka kuakuavare hei jyvyĩ kuimbai retape jurure verã Barrabas typoihashi hareka Jesús tijukaha hai verã.

Juan 16:10

heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;

Juan 18:40

Haipe kuaretare hỹnatu sapukerã hei: Hokava avy poishi hai! Poishi Barrabas! Barrabas haimba heko porãmbava.

Hechos 5:28

He'iha kavi rãngape ỹnteñoma pypyrỹmboi verã Jesús heepe, tẽvã ã'ẽ pymytynyhẽma Jerusalen pypyrỹmboihea, hãrã pota pity yryrehe ko kuimbai ñymanokue.

Hechos 13:28

Heshambatẽheare mbai reherapo katu jukaha, jururembashu reta Pilato juka verã.