Hechos 28:8 - NandevaBiblia

⁸ Haipe Publio tuu hupare'ẽ hyehasypy hareka mbakuseve. Pablo oho maĩhe, hãrã opama jurure'ĩãrẽrã, ipo ñono'ĩãrẽ hareka mynguera.

Hechos 28:8 Referans Kwoze

Hechos 9:40

Pedro heishu kuaretare opa õhẽ verãre katoape. Haivi ĩñesu hareka ñymboi. Haivi mãi mano vekuarerã hei: Tabita, pũ'ã! Hai sarekorã hareka heshamã Pedrorã, vapy.

Marcos 6:5

Hãrã katũã japo mbaikavi heshaha verã, mbovyĩ ñymbairasyva mynguera, ipo ñono ĩãrẽrã.

Marcos 16:18

pysypo reta mboi hareka houpo mbai purukava, tẽvã mba'ẽãpo japohe reta, ipo ñono ĩãrã ñymbairasyvarã, kuerapo.

Mateo 9:18

Jesús ijetateri'ẽshuva kuaretare vãhe ou pente Judiore juhuvisha, ĩñesu hỹnonderã heishu: “Shyrajy rãnga kurite mano, tẽvã reho ndepo rĩñono'ĩãrẽrã, kuerajypo”.

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

1 Corintios 12:9

Yngava me'ẽãshu jyrojakue Espiritu Santo rupii, hareka hai rupii ĩrũre me'ẽãshu mynguera verã ñymbairasyvare.

Mateo 10:8

Pymynguera ñymbairasyvare, pymbyhykovejy manovare, pijoheshu kuru porãmba'iare hareka mbaiposhyre pymohẽ. Pee rãnga mẽ'ẽhareiipe kova mbaikatu, hãrã piporyrã avy pekora ĩãrẽkui.

Mateo 10:1

Jesús hẽno 12 mboireare, meẽshu mbaikatu, mohẽ verã mbaiposhyre, hareka mynguera verãre mbairasy marãrãngatu vekua.

Lucas 13:13

Hãrã ipo ñono ĩãrẽ. Haivi taupe ñysymyĩjyrã, õñepyrõ õmombaivasushu Tũpa.

Lucas 4:40

Kuarasy ichema'ia, opaite ñymbairasyvare hareka mbairasy opaisharei vekua rahashu reta; hãrã hai pepenteĩ ipo ñono'iãrẽrã, opa mynguera.

Marcos 7:32

Haipe veruhashu pente kuimbai japysamba hareka ña'ẽnguva. Hãma jurureshu reta ñono ĩãrẽ verã ipo.

Marcos 5:23

Jurureshurã hei: Shyrajy rãnga mano serima'i, eimĩte ndepo ñono ĩãrẽ kuerajy verã.

Mateo 12:13

Haipe Jesús heishu kuimbai: Mysymyĩ ndepo. Hãrã mysymyĩ iporã kuera. Hyvaisho rãĩmi.

Hechos 28:7

Haipe Maltape'õre mbytepe iko jyve pente mburuvisha Publio he'iashua hai tivishare jy'yvy. Hai yrymyvãhẽkavi hentape, hareka mbahapy ara ñyngareko yryrehe.

Hechos 28:9

Kova mbai japova rehe, heta ñymbairasy vekuare Maltape'iare jyveru Pablo ẽvãpe, hareka opa myngueraha jyve.