Hechos 28:23 - NandevaBiblia

²³ Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 28:23 Referans Kwoze

Hechos 19:8

Pablo mbahapy jasy kavimba oho Judiore ñymbatyseape, haipe kyjembape mbeu Ñee hareka õñehãã mbyrojaka jyve kuaretare Tũpa huvisharã'õpe'õ ryheva.

Hechos 18:28

shara heshaka opaite Judiore hỹnonde haire javyvape, mbyheshaka kavi reta Mbyparahava rupii Jesús haiva Mesia.

Hechos 26:6

Ã'ẽ shyveru reta mburuvishare hỹnonde arojarã hareka ãhãrõ Tũpa ĩñee meẽ vekua ñanytynondeva retape.

Hechos 8:35

Hãrã Felipe õñepyrõ mbeu kavishu ko mbyparahavape'õ mbijetavaivi, hareka mbeushu Ñee kaviva Jesús ryheva.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Hechos 18:4

Vãhẽma putu'uava jy'ararã Pablo ohoñoĩ Judiore ñymbatyseape, ijeta hãndi verãre Judiore hareka griegore, potatẽ rojave reta Jesús haiva Mesia.

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Filemon 1:2

hareka jyrojavare ñymbatyva nyrẽntape jyve ñaniindy Apia hareka Arquipo, õñehã'ãha'i hãndiva.

Marcos 4:34

Ñee ñymyhã'ãngambape Jesús ijetããshu reta; tẽvã mboireare hã'ẽĩ'õpẽĩ mbeu kavishu reta.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Filemon 1:22

Haivi airurejy nde, apyta verãpe rỹmyhẽva she verã, heshara pee pirureheva ãhãrõ ãĩ, Tũpa meẽpope aha apyryresha verã.