Hechos 27:1 - NandevaBiblia

¹ Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 27:1 Referans Kwoze

Hechos 25:25

Tẽvã she pevarã hainy mbaimba japova mano verã, shara haitei jurure mburuvisha vasu Augusto hỹnonde mbivachehaka verã, hãrã amondopokui hai ẽvãpe.

Hechos 25:12

Hãrã Festo pyrãndu mbarakuaaserea retape, haivi hei: Nde rirurehe nimbivacheka verã mburuvishateiva; kyrãrã'ãshe rehopo hai ẽvãpe.

Hechos 10:1

Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 27:11

Tẽvã syndaro juhuvisha, koñeĩ japoshu varko ija hareka huvisha haipy'õvã heiva, hãrã japoãshu Pablo heiva.

Hechos 18:2

Haipe ijesha hãndi pente Judio Aquila he'iashua yvy Pontope'õ, hãĩrãã oujy hyreko Priscila hãndi Italiaivi, shara huvisha Claudio ñonombashu reta opaite Judiovare mohẽhajy verãre Romaivi. Pablo oho maĩhe reta,

Hebreos 13:24

Pymarãndushu opaite tũpaope miñaka'ipeare hareka ñandyryvyre Tũpa pyhyrõvare. Italiape'õre mondo jyvepe marãndu.

Hechos 28:16

Vãhẽama ohoa Romaperã, huvishare ñonoshu reta pente oo Pablo ha'ĩ pyta verãpe, hãndi pente syndaro ñyngarekorehea.

Hechos 27:43

Tẽvã centurion syndarore juhuvisha Julio he'iãshu reta, shara potamba Pablo mondojepe. Hãme hei ĩme'ẽ katu iña'ỹtavarã ojepoipy verã yy hareka vãhẽ oho vẽra hymbeykyty,

Hechos 27:6

Haipe syndarore juhuvisha Julio hesha pente varko vasu Alejandriape'õ, oho verã Italia kyty haivi hai ĩrĩmbijupikapy ohoa verã.

Hechos 24:23

Haipema Felix heishu 100'õ syndarore juhuvisha Pablo mbyperesoaveteri'ẽ verã hareka jochamba verãre Pablo ñi'irũre pohyshurã hareka ma'ẽĩehe ñygarekohe verãre.

Hechos 23:17

Pablo hẽno pente 100'õ syndarore juhuvisharã heishu: Raha ko kunumi syndarore juhuvisha vasu ẽvãpe, ĩmere mbeushu verã.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 22:26

Hokava hendurã, 100'õ syndarore juhuvisha oho mbeushu hãrã hei: Mãĩkavirãni ko rijapo verãre, shara ko kuimbai hai Romava.

Hechos 21:32

Hãma mburuvisha mbatyka ñysyndarore hareka 100'õ syndarore juhuvishare ñani jyraha kuaretare ẽvãpe. Heshama huvishare hareka syndaro retarã poi nũpa reta Pablo.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

Hechos 16:10

Haivi Pablo heshama hesape'orã, opa ravẽi õĩã kavi ohoha verã Macedoniape, shara kuaaha kavi Tũpa ỹrỹrẽno haipe ohoa mbe'ua verã Ñee kavivarã.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Lucas 7:2

Haipemba ẽẽ 100 syndaro huvisha Romape'õ ĩmerea pente jokuereirea haihuva, hai ñymbairasy hareka mano verãĩma'õ.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Hechos 28:1

Opamatẽ ohoajeperã, kuaahajy ko yvy japua'õva yy mbytepe'õ Malta he'iashuarã.