Hechos 26:22 - NandevaBiblia

²² Tẽvã Tũpa shymboryrã rupii tãnta ãĩ ã'ẽpeve. Ambeu ĩñee opaiteva pevarã, pavetevare hareka ikokatuvare, koñeĩ haijyshu reta ikoverã Tũpa ĩñee mbeu'iare hareka Moisés hei vekua rãĩmi.

Hechos 26:22 Referans Kwoze

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Juan 5:46

Hãma Moisés pirojaherã, pirojatẽ jyve shyrehe verã, shara hai shyrehe mbypara kuatia.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Romano 3:21

Tẽvã ã'ẽ, arykai ñee me'ẽã vekua rãĩmi ñee mbyparahava japoa verã hareka Tũpa ĩñee mbeu'iare jy'arape, ã'ẽ Tũpa ñanymbyheko kavi tekotẽvemba jajapova ñee mbyparahava japoa verã.

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 26:17

Arỹmondo jepeva nyrẽta ĩrũ retaivi hareka haimba Judio retaivi, hãrã ã'ẽ ãrỹmondopo hokava retape,

Hechos 26:6

Ã'ẽ shyveru reta mburuvishare hỹnonde arojarã hareka ãhãrõ Tũpa ĩñee meẽ vekua ñanytynondeva retape.

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Lucas 24:46

heishu reta: Kyrã rãnga mbyparaha Cristo mano verã hareka puãjy verã manovare mbyteivi mbahapy arape;

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.

Apocalipsis 11:18

Hãrã tenta vasure opa poshy, tẽvã ndyposhykue ouma hareka ara rĩmbivacheka verã mano vekuare, haivi mbaikavipepo rijopejy jyroja ndyryhevare hareka Tũpa ĩñee mbeu'ia retape, hekokavivare hareka opaite ndyree omombaiva reta, rỹmaĩmbaheape ñymbaikatu maĩrã mishĩĩra, hareka opapo rẽhundi jyve yvy opa ohundivare.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Lucas 16:28

ĩme'are 5 shyryvyre, tymbeuveshu reta mahẽ haire oujyvekui ko hasaha'asy'õpe”.

Hechos 13:29

Opakavimã iko kuatiape mbyparaha heihevarã, mbyvejy reta kurusuivi hãrã ñoty.

1 Corintios 15:3

Shara tynonde ãmbeupe, sheteiva me'ẽãshe vekua, hokava hai Cristo mano mbai porãmba jajapo vekua rehe, Mbyparaha vekua heiva rãĩmi,

1 Corintios 15:4

hai ñotỹha hareka kuerajy mbahapy arape, Mbyparaha vekuape heiva rãĩmi.