Hechos 26:11 - NandevaBiblia

¹¹ Hetajy anupãka reta pota poi Jesús jyrojahe retarã, opa kova mbai ajapohe reta Judiore ñymbatyseaipi. Shyposhyiteshu retarã ãmoña araha reta ynga tentapeve.

Hechos 26:11 Referans Kwoze

Hechos 22:19

Hãrã she haishu: “Sheja, haireta rãnga kuaa ahañoĩva opaite sinagogaipi hareka araha ambyperesokava hareka nũpa jyre ndyrehe jyrojavare.

Hechos 13:45

Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

Mateo 10:17

Pingareko pijehe, shara kuaretare piniñonopo mburuvishare ipope, punũpaha verã Judiore ñymbatyseape.

Hechos 22:5

Pai juhuvisha vasu hareka kuakuavare kuakavi ñynoĩ haire meẽshe kuatia mbyparahava ñandyryvyre Judiore verua mbyperesoa verã Damascoivi. Aha aheka Jesure jyrojavare, aru verã ko Jerusalenpe nũpaha verã.

Hechos 9:1

Saulo potañoĩ opa juka Ñandeja mboireare. Hãrã oho pai juhuvisha'õpe,

2 Pedro 2:16

Hãme rãnga he'ihashu porãmba japova rehe: Pente mbirikami ijetashu kuareta ĩñeepy; hareka jochashu potaveãma ñakareĩ iko'irã.

Santiago 2:7

Ha'ẽara kuepi ijeta porãmba jyrehevare tyree kaviva Jesucristo pirojaheva?

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Lucas 15:17

Hãma haipe pya mbijetahe japo vekuare: “Mbovy jokuearea retara sheru hentape'ẽẽ hembypashu hou verãre, sheny kope ãmanomapo ñymbahyivi!

Lucas 6:11

Hãmã haipe poshyiteve jyre, hãrã pyrãndu jyre ijupe mbaivara katu japohe Jesús.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Marcos 3:28

Añeteĩteva hai pee, Tũpa hejareiiposhu kuimbaire mbai porãmba japo vekua hareka ijeta porãmba'iheare.