Hechos 25:5 - NandevaBiblia

⁵ Hãma heishu reta: Punduruvisharã'õre toho shendiekui Cesareape, hãrã ko kuimbai ĩme porãmba japorã, haipepo pymbojahekui.

Hechos 25:5 Referans Kwoze

Hechos 25:25

Tẽvã she pevarã hainy mbaimba japova mano verã, shara haitei jurure mburuvisha vasu Augusto hỹnonde mbivachehaka verã, hãrã amondopokui hai ẽvãpe.

Hechos 25:16

She haipe haishu Romape mburuvisharã'õre jypykuava rãĩmi, jukãã mbavape mbivachehakambashuva mbai mbeuva hãndi, hareka ijetarãni ijehevape.

Hechos 24:8

hãma heishu porãmba ñonokareare ou verã nyrẽndape. Ndetei katu rypyrãndushu, hãmerãpo rikuakui ãñete kova ore he'iaheva.

Hechos 23:30

Mbe'uhashe imenda'ẽ pota ñemiãpe pysyva ko kuimbai jukaha vẽra. Hãme rãnga amondo nyrẽndape hareka añonojyveshu porãmba pirĩñono'iare hei verãre nynonde mbaiva rehera ñymbyvaishohe.

Hechos 18:14

Hãrã Pablo oñepyrõma ijeta verã Galion heishu Judiore: Pee Judiovare ã'ẽ haipo pee, ko kuimbai purukavarã maĩrã kuatia mbyparava ñymbyvaishohearã, apyrỹrẽndutẽ verã rãnga.

Hechos 25:4

Tẽvã Festo heishu reta Pablo mbyperesohavape ĩme'ẽ Cesareape, hareka haiteiva oho verã haipe.

Hechos 25:6

Festo pytavejy Jerusalenpe 8 aravaipi, haivi ohojy Cesareape. Parejyrã vapy mburuvishare vapyseape, hãrã veruka Pablo.