Hechos 25:25 - NandevaBiblia

²⁵ Tẽvã she pevarã hainy mbaimba japova mano verã, shara haitei jurure mburuvisha vasu Augusto hỹnonde mbivachehaka verã, hãrã amondopokui hai ẽvãpe.

Hechos 25:25 Referans Kwoze

Hechos 23:29

Katy ñee mbyparahava rehemba maĩjyrehe, tẽvã mba'etyre mbai reherapo juka reta hareka mbyperesoha verã.

Hechos 23:9

Opa sapuke reta, haipe ĩme'ẽ jyve Moisés mbypara vekua pyrỹmboi'iheare fariseova, pũã retarã hei: Ko kuimbai rãnga japoã porãmba. Ĩmerã Tũpa jokueva hareka espiritu ijetashu.

Lucas 23:4

Hãrã Pilato heishu pai ruvishare hareka kuaretare: She aheshãhe ko kuimbai maĩnunga porãmbava jajahehe verã.

Hechos 26:31

Haivi yngai jyraha ijetahe verãre kova mbaire, hãrã hei jyre ijupe: Ko kuimbai mba'ẽã japo mano verã maĩrã mbyperesoha verã.

Juan 18:38

Pilato pyrãndushu Jesús: Mbaivara hokava añeteva? Hokava pyrãndurã Pilato õhẽjy Judiore ẽvãperã heishu reta: Ko kuimbai aheshããhe porãmba japova.

Lucas 23:14

heishu reta: Pee rãnga perushe ko kuimbai, perehe henta'õre myporãmba'õ; she apyrãndumashuje pynynonde, tẽvã porãmba aheshãhe, pee pereheva rãĩmi.

Hechos 25:26

Hãrã mba'ety are añeteva ambyparahe verã kuatiape karai mburuvisha, hãma aru pynynonde hareka ĩãrẽve nynonderãni aru mburuvisha vasu Agripa, nde rypyrãndushu verã. Hãmerãpo aikuakui ambyparahe verã kuatiape amondoshu verã huvisha vasu.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 28:18

Romavare opama pyrãndu kavishe retarã, pota poijyre shyhevi, heshama reta mba'eã ajaporã.