Hechos 24:24 - NandevaBiblia

²⁴ Mbovy arama hasajyrã hykuaĩ oujy Felix, hyreko Drusila hãndi, haijyve Judiovare, hãrã henõkajy Pablo hẽndushi verã Jesucristore jairojava ryheva.

Hechos 24:24 Referans Kwoze

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Hechos 26:22

Tẽvã Tũpa shymboryrã rupii tãnta ãĩ ã'ẽpeve. Ambeu ĩñee opaiteva pevarã, pavetevare hareka ikokatuvare, koñeĩ haijyshu reta ikoverã Tũpa ĩñee mbeu'iare hareka Moisés hei vekua rãĩmi.

Hechos 16:31

Haire heishu: Jyroja Ñandeja Jesucristore, hãrã reohojepe hareka jyve nyrẽtape'õre.

Lucas 23:8

Herodes vya'i Jesús heshamarã; shara kuriã pota heshare, hareka heta mbai hendu he'iaherã, hãrõ'ẽ pota hesha jyve mbai heshaha verã japorã.

Lucas 19:3

Õñehã'ãpaite'i potaite hesharã mbara Jesús, tẽvã kuareta hetaiterã katuã hesha hareka puku'ãĩterã.

Marcos 6:20

shara Herode kyje'ishi Juan, kuaa kavite hai kuimbai heko kyambarã, hãrã ñyngareko kavihe, hendu ijeta'ẽrã ajemaĩ kuaa kaviãshi, tẽvã Herode kyrẽ'ỹpe hendushu.

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.