Hechos 23:6 - NandevaBiblia

⁶ Haivi Pablo heshama haipe'ẽ jyve Saduseo hareka fariseo retarã hỹnatu hei: Shyryvyre, she hai fariseo, pente fariseova tay, shyveruha kope shara arojashe mano vekuare kuerajy verã.

Hechos 23:6 Referans Kwoze

Hechos 24:21

Koñei haire hỹnonde asapukerã hai: Ã'ẽ pymaĩpẽĩ shyrehe shara aroja manovare kuerajy verã.

Hechos 24:15

Hãrã haire rãĩmi, ĩme'are jyve ãhãrõva Tũpaivi, mano vekuare kuerajy verã, heko kyambare hareka heko porãmbavare.

Filipenses 3:5

Shipire chĩchĩã shyhevi 8 aravape, she hai penteva Israelvi ñymoña hãndiva, Benjamín ryheva; she rãnga ha'eiteva hebreo, hareka Moisés mbypara vekua pevarã, she hai jyve penteva fariseo ryhevare.

Hechos 28:20

Hãme rãnga apyrỹrẽnoka jyve, apyryresha hareka aijeta penendie verã, Israelitare hãrõva rehe rãnga shapĩtĩha ko kadenape.

Mateo 22:23

Hoka arapevaĩ Saduseore oho reta Jesús ẽvãpe. Saduceore rojããmba hai manova kuerajy verã, hãrã heishu reta Jesús:

Hechos 22:5

Pai juhuvisha vasu hareka kuakuavare kuakavi ñynoĩ haire meẽshe kuatia mbyparahava ñandyryvyre Judiore verua mbyperesoa verã Damascoivi. Aha aheka Jesure jyrojavare, aru verã ko Jerusalenpe nũpaha verã.

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Hechos 22:3

She hai Judio. Tarso Siliciape aa vekua, tẽvã ko Jerusalenpe akuakua hareka Gemaliel shymboi kavihe ñee mbyparahava ñanytynondevare ryheva hei vekua rãĩmi, aipotañoĩ ajaposhu Tũpa heiva shypyaivive, ã'ẽ pee pijapova rãĩmi.

Hechos 22:30

Pareejyape syndarore juhuvisha pota kuakavi mbaiva rehera Judiore poshyjyre hãndi Pablo, kadena hekyshi reta hareka mondo ñymbaty verã pai juhuvishare, opaite pyrymbarakua'iare. Hãrã nohẽshu reta Pablo hareka hỹnonde ñono reta.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 23:7

Pablo opama hei kovarã, Saduseo hareka fariseore õñepyrõ ijeta ñynoĩ ijupi, hãrã ñymbatyva opa ñymbijao.

Hechos 23:15

Hãrã pee mburuvisharã pẽĩva, pirureshukui syndarore juhuvisha veru verã pynynõnde, mbai pikuaaveshi verã Pablo, hãrã ore õĩãmapokui jukaha verã ndei vãherã.

Hechos 23:20

Kunumi heishu syndarore juhuvisha: Judio reta rãnga ĩñiñono pente nẽẽpe jurure nde verã hareka ryrahashu verãre pare Pablo Judio juhuvishare hỹnonde, mbai pyrãndu kaviveshu verã rãĩmi.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Hebreos 6:19

Kova jarojava pyrãta'ẽ hareka tanta'ẽ tykovepe, varko mymbytahapya rãĩmi. Kova jarojava vãhẽ oho tũpao vate arape'õ tarapo jochahapya kutyve,