Hechos 23:10 - NandevaBiblia

¹⁰ Kyrã ñimbitivishave oho ko ikova, hãrã syndarore juhuvisha kyje jukashu verã Pablo, hẽnoka syndarore nohẽ verãre Pablo haire mbyteivi, raha verãre syndarore ho'ipe.

Hechos 23:10 Referans Kwoze

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Hechos 22:24

syndarore juhuvisha he'ika Pablo mĩjeha verã cuartelpe hareka mondo nũpakashu mbijetakashu verã, kuaa verã mãrã'ĩrãra kuaretare kyrãĩte sapukehe reta.

Hechos 23:32

Parejyrã syndarore yvyipi'iare opajy jyeru kuartelpe, tẽvã kavajure'iare ohoĩ hãndi reta Pablo.

Hechos 23:27

Kova kuimbai Judiore pysyva hareka jukaserimareare, tẽvã shysyndarore hãndi ahekyjyshi reta shara hai heishe Romavarã.

Hechos 23:16

Tẽvã Pablo hiindy memby kuaa kovarã, oho kuartelpe mbeushu Pablo.

Hechos 21:37

Hãma kuartelpe minjeama potarã, Pablo pyrãndushu syndarore juhuvisha: Ryhejããrapo pente mbai hai jyvende? Mburuvisha heishu: Rikatumbatẽ rijeta griegore ĩñeepe.

Hechos 23:28

Pota aikuakavi marã'ĩrãra maĩ jyrehe. Haivi arahakajy Judiore juhuvisha vasure ñymbatyseape.

2 Corintios 11:26

Oparupi aha, heta porãã ahasa yysyryvaipi, manarõ'iare mbyteipi, ãĩmoã ryheve sherẽtarãre mbyteipi, Judiomba retaivi hareka tenta yngavaivi ouvare mbyteipi. Hareka heta ahasa porãã tentaipi, yvy ikoamba retaipi, yyvasu hupi, hareka sherẽtarã rã'angare mbyteipi,

Hechos 24:7

tẽvã syndarore juhuvisha, Lisias iche yrymbytepe hareka mbaretepe heky yrepoivi,