Hechos 22:3 - NandevaBiblia

³ She hai Judio. Tarso Siliciape aa vekua, tẽvã ko Jerusalenpe akuakua hareka Gemaliel shymboi kavihe ñee mbyparahava ñanytynondevare ryheva hei vekua rãĩmi, aipotañoĩ ajaposhu Tũpa heiva shypyaivive, ã'ẽ pee pijapova rãĩmi.

Hechos 22:3 Referans Kwoze

Hechos 26:5

Hai reta rãnga kuaakavi reta hãrã pota hei retarã katu hei. Shukunumirãvãĩ she hai fariseova hareka ñyngarekope kavi japoha jypykuaahava rãĩmi ore ohoahea.

Hechos 9:11

Ñandeja heishu: Pũ'ã hareka ekua vataha'õĩpi Ndakata kyty he'iashua hãrã hekakui Judas hentape pente kuimbai Saulo he'iashua tenta Tarsope'ia haipe ñymboi'ẽ,

Hechos 5:34

Tẽvã opaite mburuvishare mbytepe ẽẽ pente fariseo Gamaliel he'iashuva Moisés mbypara vekua pyrỹmboi ihea hareka opava haihuva hoka tentape, hãrã sapy'ãĩ nohẽka katoape Apostol retape.

Hechos 21:39

Hãrã Pablo hei: She hai kuimbai Judio Tarsova tenta tivishava Ciliciape'õ; airure nde rỹma'ẽĩ aijetashu verã kuaretare.

Hechos 21:20

Haivi kova henduma retarã, õmombai reta Tũpa. Hãrã heishu reta Pablo: Haikavi shyryvy Pablo, ryheshama israelitare mbytepe hetama ẽẽ jyrojavarã, hareka opaite ñymykateyhe reta Moisés mbypara vekua.

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Lucas 10:39

Marta ĩmere pente kypyy Maria he'iashua, ou vapy Ñandeja hỹnonde jasaka'ẽhẽ hai heiva.

Romano 11:1

Hãme rãnga apyrãndu: Tũpa mbijicherashu hai ryheva reta? Mba'ety. She hai jyve israelita, Abraham ñymoñashia, Benjamín henta ĩrũre.

Hechos 23:6

Haivi Pablo heshama haipe'ẽ jyve Saduseo hareka fariseo retarã hỹnatu hei: Shyryvyre, she hai fariseo, pente fariseova tay, shyveruha kope shara arojashe mano vekuare kuerajy verã.

Hechos 6:9

Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,

Galatas 1:21

Haivi ahajy Siria hareka Cilisia jy'yvyipi.

Galatas 1:14

Judiore japova ajapo airã, ajapoveshi shyrẽta ĩrũre aivache hãndiare, ajema aingarekotehe ajapo verã sherure pyrỹmboiva rãĩmi.

Hechos 23:34

Huvisha opama mbijeta kuatiarã, pyrãndushu Pablo mape'õra hai hareka kuama Ciliciape'õrã,

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 11:25

Haivi Bernabé oho Tarsope veru verã Saulo, heshamarã raha tenta Antioquiape.

Hechos 9:30

Hãma pente'ovare Jesús jyrojaheare kuaama retarã, raha reta Cesareape haivi mondo tenta Tarsope.

Lucas 8:35

Hãmã kuaretare opa jyraha mãihe iko vekua, vãhẽ jyraha Jesús ẽvã perã hesha reta kuimbai mbaiposhy õhẽshi vekua, vapy ẽ Jesús hỹnonde, ñimi mondema hareka hai kavi jyma ẽ; hãrã opa kyje reta.

Lucas 2:46

Haivi mbahapy aravape vãijyshu reta Jesús, tũpao pe vapy'ẽ Moisés mbypara vekua pyrỹmboi'iheare mbytepe, Jesús jasaka ñynoĩhe reta hareka pyrãndu ñynoĩshu.

Hechos 9:1

Saulo potañoĩ opa juka Ñandeja mboireare. Hãrã oho pai juhuvisha'õpe,

Hechos 26:9

Sheave rãnga heta añehãã amby'opa verã Jesús nazareno jyrojaheare.