Hechos 21:8 - NandevaBiblia

⁸ Pareejyrã, vãhẽha ohoha tenta Cesareape. Haipe vãhẽha ohoha Tũpa ĩñee mbeu'ia Felipe hentape, hai jyve penteva Ñee kaviva mbeu'ia 7 õvare hãrã pytaha hãndi.

Hechos 21:8 Referans Kwoze

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Hechos 28:16

Vãhẽama ohoa Romaperã, huvishare ñonoshu reta pente oo Pablo ha'ĩ pyta verãpe, hãndi pente syndaro ñyngarekorehea.

Hechos 16:13

Pente putu'uava jy'arape õhẽhãshi tenta vãsu ohoha yy syryva hyvache, moa haikavi jurureha'ẽ verãpe, vapyha ijetahashu taupere haipe ñymbaty'õre.

Hechos 16:10

Haivi Pablo heshama hesape'orã, opa ravẽi õĩã kavi ohoha verã Macedoniape, shara kuaaha kavi Tũpa ỹrỹrẽno haipe ohoa mbe'ua verã Ñee kavivarã.

Hechos 9:30

Hãma pente'ovare Jesús jyrojaheare kuaama retarã, raha reta Cesareape haivi mondo tenta Tarsope.

Hechos 28:11

Mbahapy jasyma pytaha Maltaperã, jupihajypy pente varko ara ro'ype haipe pyta vekua. Hokava hai varko Alejandriape'õ hareka ĩtire'ẽjy Castor hareka Pólux hã'ãnga.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 23:23

Haivi syndarore juhuvisha vasu hẽno mokue syndarore 100 ẽva juhuvisha heishu myhẽvã verãre 200 syndarore yvyipĩĩ'iare, 70 kavajure'iare hareka 200 mĩĩ ĩmereare pyntumarã oho verãre tenta Cesareape.

Hechos 20:13

Ore ñymytynondeharã ohoha varkope tentami Asonpeve, haipe hupihajy verã Pablo hai hei oreva rãĩmi, shara hai pota yvyipĩĩ oho.

Hechos 20:6

Tẽvã ore õhẽhã Filipoivi varkope, arete pãhã jy'oumbava ryheva hasamarã, hãrã pandepo aravape hipityhashu reta Troaspe, haipe shiu (7) ara pytaha.

Hechos 18:22

Vãhẽma jyraha Cesareaperã oho Jerusalenpe marãndu verã tũpaope'õre, haivi ohojy Antioquiape.

Hechos 16:16

Pente arape ohoha ñymbo'eharã, haipe heshaha pente kuñataĩ jokueha'reirea ñymbai kuaa'ia ñyvãĩtĩhã hãndi. Hai heta mbykyrypoti ijarãreare, ñymbai kuaa'irã.

Hechos 10:1

Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 21:16

Hareka ĩrĩmi'ĩrũ reta a'ãmo mbo'eareare Cesareape'õre, verumba jyve reta pente Chiprepe'õ Mnason he'iashua, mbo'eharea arykaiva, hareka hai hentapepo pytaha'ẽ.