Hechos 21:11 - NandevaBiblia

¹¹ ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 21:11 Referans Kwoze

Hechos 21:33

Hãrã mburuvisha pysykashu Pablo, hareka pokuakashu mokue kadenape; haivi pyrãndushu kuaretare mbavara hai hareka mbaivara japo.

Hechos 20:23

Koñeĩ aikuaava hai, opaite tentare ahavaipi Espiritu Santo heishe shy'ãrõ'ẽvã shymbyperesoha verã hareka heta aiko'asy verã.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

Hebreos 10:34

Pee pyparekomba opaite mbyperesohavare, hareka vy'ape pyma'ẽĩmbahe mburuvishare heky pyndyhevi pa'ãpovare, shara pikuaa kavipeĩ ĩmepyre mbai haikavivevarã hareka tantaveva.

Hebreos 3:7

Hãme rãnga, Espiritu Santo heiva rãĩmi: Hokava arape Tũpa ĩñee pyhendurã,

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

Efesios 6:20

Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Hechos 28:25

Katuãma pente ñeepe ñynoĩ retarã, õñepyrõ opajy jyraha. Hãrã Pablo heishu reta: Haikavi rãnga ijetashu Espiritu Santo ñanytynondevare Tũpa ĩñee mbeu'ia Isaia rupii, hei:

Hechos 28:20

Hãme rãnga apyrỹrẽnoka jyve, apyryresha hareka aijeta penendie verã, Israelitare hãrõva rehe rãnga shapĩtĩha ko kadenape.

Hechos 28:17

Romape vãhẽha ohoharã mbahapy araheape, Pablo hẽnoka Judiore juhuvisha hareka ñymbatyma hãndi retarã heishu: Shyryvyre ajemaĩ ajapoã porãmbava ñanyrẽtare hareka ñanytynondevare jypykuava rãĩmi, tẽvã Jerusalenvare shiñono Romavare ipope.

Hechos 26:29

Pablo hei: Shara mishĩĩ maĩrã tivishara airureshu Tũpa avy ndeñoĩte verã, opaite ko arape shyrẽndu'õ reta jyve tiko she rãĩmi, tẽvã ha'ẽã ko kadena ryheve.

Hechos 24:27

Mokue ãño kyrã hasa, haivi Felix õhẽ mburuvishaivi hãrã Porcio Festo ichejy hendakuepe. Hãma Felix pota haikavi'ẽ hãndi Judio retarã mbypereso heja Pablo.

Hechos 22:25

Tẽvã opama popokua reta nũpa verãrã, Pablo heishu 100'õ syndarore juhuvisha haipe'ẽvã: Ñonoharape punupãka verã Romava pikuamba porãmbara japo?

Hechos 16:6

Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hechos 9:16

She ambyheshakapo heta hasa'asy verã shyreepe jyrojarã.

Juan 18:1

Jesús opama ñymboirã, oho hãndi mboireare Cedron yy syry'õmi hyvaisho kyty, haipe ẽẽ pente ñana'õmi, haipe Jesús iche hãndi mboireare.

Hechos 8:29

Espiritu Santo heishu Felipe: Ekua hokava kuareta hyvache hareka ñymbojahe.

Hechos 21:4

Haipe heshaha a'ãmo Jesús mboireare hareka 7 ara kavi pytaha hãndi reta. Espiritu heishu retarã haire heishu Pablo, potamba oho verã Jerusalenpe.

1 Timoteo 4:1

Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.