Hechos 20:30 - NandevaBiblia

³⁰ Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Hechos 20:30 Referans Kwoze

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Apocalipsis 2:6

Tẽvã ĩme'ẽ pente mbai rijapo kaviva: Ryheshatãã nikolaitare japova, she aheshatamba rãĩmi jyve.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

1 Timoteo 5:13

Hareka oparupi jyraha reta tijuparehupi, hareka ñatẽ'ỹ, ñee ryhevajy, opa mbaipe ichereii hareka jaitambaa rãĩmi heishu reta hapisha.

Hechos 21:38

Ha'ẽãra nde Egiptope'õ kueveĩ rũpurũmupũã vekua mburuvisha retare hareka raha yvy ikoambaivi 4.000 ñyrãrõ'iare?

Mateo 23:15

Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

2 Corintios 11:13

Haireta rãnga apostol japuvare, ñimiñee'ia japureiivare, ñymbyheereiipy reta Jesucristo apostolre.